Шымкент келбеті

диалог алаңына айналады

Халқымызда «Келісіп пішкен тон келте болмайды» деген аталы сөз бар. Осы қисынға салсақ, қалалық қоғамдық кеңестің мәртебесі ерекше дер едік. Өйткені, алып шаһардың, осында тұрып жатқан халықтың шешімін күткен мың сан шаруасы бар. Өзекті мәселелерді тізеге салып шорт сындыруға болмайды, ол қоғам тезінен өтуі керек.

Жеңісті дәстүр үзілмек емес. Шымкент қаласының боксшылары әр Олимпиада ойындарында бақ сынап келеді. Бұл жолы сол дәстүрді жас дарын Махмұд Сабырхан жалғастырды. Өткен жылы әлем чемпионатында топ жарған жерлесіміз Париж ойындарының жолдамасын жеңіп алды. Ендігі мақсат – төртжылдықтың басты бәсекесінде ел үмітін ақтау. Жолдама – қалтада. Бабы да келісіп тұр. Енді бағы келіссе болғаны...

Шымкент қаласының спортшылары биылғы Жазғы Олимпиада ойындарына тыңғылықты дайындық үстінде. Бүгінде қала спортшылары 5 жолдамаға ие болды. Бұған дейін оқ атудан Никита Чирюкин мен боксшы Махмұд Сабырханның жолдамаға қол жеткізгенін жазған едік. Лицензия иегерлерінің қатарына таэквондо мен семсерлесушілер қосылды.

AMANAT партиясы Шымкент қалалық филиалы жанындағы Сыбайлас жемқорлыққа қарсы іс-қимыл жөніндегі қоғамдық кеңестің отырысы өтті. Жиында қоғамдық кеңес пен құқықтық органдар арасындағы меморандум аясында өткізілетін іс-шара жоспарлары талқыға түсті. Қалалық филиалдың атқарушы хатшысы Жанар Бектаева бірлескен келісім бойынша атқарылар жұмыстардың маңызы зор екенін мәлімдеді.

Шымкент қаласы бойынша Табиғи монополияларды реттеу департаменті 5 базалық табиғи монополия субьектісінің қызметін реттейді. Қазіргі таңда 5 ірі табиғи монополия субъектісінің («Су құбыры және канализация» МКК, «Су ресурстары – Маркетинг» ЖШС, «3-Энергоорталық» АҚ, «Қуатжылуорталық-3» МКК, «ҚазТрансГазАймақ» АҚ ШӨФ) заң талабына сәйкес, 5 жылдық тарифтері бекітілген. Биыл «Тарифті инвестицияға айырбастау» бағдарламасы аясында желілердің тозу деңгейін төмендету бағытында бірқатар іс-шаралар қолға алынуда.

Сегізінші шақырылымдағы Шымкент қаласы мәслихатының кезекті он төртінші сессиясы өтті. Сессияда бірқатар мәселе қаралып, барлығы депутаттар тарапынан қолдау тапты. Сессияға Шымкент қаласының әкімі Ғабит Сыздықбеков қатысты.

2024 жылы «Тарифті инвестицияға айырбастау» бағдарламасын және коммуналдық қызметтерге тарифтерді іске асыру барысы туралы баспасөз брифингі өтті. Шымкент қаласы бойынша Табиғи монополияларды реттеу департаментінің басшысы Кенжеболат Көшекбаев коммуналдық қызмет тарифі, инвестициялық бағдарламалардың орындалуы және алдағы жоспарлары туралы баяндады.

«Мереке күндері және қасиетті Рамазан айында тамақтан улану мен ботулизмнің алдын алу» тақырыбында баспасөз брифингі өтті. Шымкент қаласының санитарлық-эпидемиологиялық бақылау департаменті басшысының орынбасары Алдарқұл Ахметов қасиетті Рамазан айында, сонымен қатар Наурыз мейрамы қарсаңында тағамнан уланудың алдын-алу жолдарын баяндады.