– Колледж өткен жылы құрылды. Ғылыми кеңес мәжілісінің шешімі бойынша оқу орнына Жүсіпбек Аймауытұлының есімі берілген болатын. Колледжде лицензияға сәйкес 3 мамандық бойынша маман даярлайды. Олар: «Бастауыш білім беру педагогикасы мен әдістемесі», «Музыкалық білім беру», «Көркем еңбек», –деді Г. Сүгірбаева.
Коллеждге Алаш ардақтысының есімі берілуі бекер емес. Жүсіпбек Аймауытұлы 1926-29 жылдары Шымкент педагогикалық техникумының оқытушысы әрі директоры қызметтерін атқарған.
Студенттерге 58 оқытушы: 1 ғылым докторы, 17 ғылым кандидаты, 3 PhD, 29 магистр, 3 аға оқытушы дәріс береді. Оқу кабинеттері қазіргі заманға сай құрал-жабдықтармен жабдықталған. Колледжде жалпы білім беретін 154 кабинет, 13 зертхана, 2 шеберхана бар.
Гүлнұр БАЛАБАСОВА