Шымкент келбеті

Пандемия барлық мемлекеттер үшін сынақ кезеңіне айналды. Біз қазіргі қиындықты міндетті түрде еңсеретініміз анық. ҚР Президенті Қасым-Жомарт Тоқаев халыққа жолдауында, Заң үстемдігі орнықпаса және азаматтардың қауіпсіздігіне кепілдік берілмесе, әлеуметтік-экономикалық дамудың бірде-бір міндеті табысты жүзеге асырылмайтындығын жеткізген болатын. Осы орайда цифрландыру – сәнге айналған үрдіске ілесу емес, ұлттың бәсекеге қабілеттілігін арттырудың негізгі құралы екендігін айтқым келеді.

Сонымен қатар «Халық үніне құлақ асатын мемлекет» – бұл, шын мәнісінде, «Әділетті мемлекет» құру тұжырымдамасы. Қазіргі заманда азаматтардың мәселелерін тыңдап, көріп қана қою жеткіліксіз. Ең бастысы – дұрыс және әділ шешім шығару арқылы халықтың жанын толғандырған жағдайлардың оң шешімін табуға ат салысуымыз қажет. Бұл тұрғыда Шымкент қаласының Әділет департаментінде сыбайлас жемқорлықтың алдын-алу және болдырмау мақсатында «OPEN SPACE» және «ADALDYQ ALANY» ашық форматтағы жобалық кеңсесі іске қосылды.

Кеңсенің ашылуы «Халық үніне құлақ асатын мемлекет» концепциясы аясында мемлекеттік мекемелердің транспаренттілік қағидасына сәйкес жұмыс жүргізуіне бірден-бір септігін тигізбек.

Сонымен қатар әділет органдарына қатысты өтініштер мен сауалдар әлеуметтік желілердегі онлайн түрде whatsApp, instagram, facebook арқылы да қабылдауға мүмкіншілік қарастырылды. Яғни пандемия кезінде Әділет департаменті «К-20 Қайта іске қосу» бойынша жұмыс атқаруда. Бұл дегеніміз халықпен кері байланыс орнату мақсатындағы жоба жұмыстың жаңа 7/24 тәртібіне көшуді меңзейді.

7/24 немесе WhatsApp-тың тиімділігіне келетін болсақ бұл ашықтық және қолжетімділік. Бұл ұғым халыққа бір емес, бірнеше қадам жақындау деп білемізі. Олай дейтініміз басшы алдымен ұжымның жұмыс тәртібін өзгерте отырып, тұрғындарға жақындауды көздейді.

Қазір Департаменттегі әр салаға жауаптылардың байланыс нөмірлерін тұрғындарға қолжетімді еттік. Оны департамент орналасқан ғимаратқа кірген әрбір адамның назары түсетін орыннан көруге болады. Әділдік іздеп келген тұрғындардың мәселесіне қанағаттанарлық жауап алып кеткенін қалаймыз және бізге келеушілер ешқандай қоңыраусыз да өз істерін бітіре алатынына сендіргім келеді. Осы орайда мессенджерлер тиісті сала мамандарымен байланысудың оңай тәсілі болса, Open space ашықтықта жұмыс істеуге мүмкіндік береді.

Қазір адамдар уақытын тиімді пайдалануы үшін цифрлық технологияның көмегімен көптеген мемлекеттік қызметтерді үйден шықпай-ақ, мекеме табалдырығын тоздырмай алуға жағдай жасаланып тиісті жұмыстар өз дәрежесінде атқарылуда. Әлеуметтік желілер арқылы біздің департамент қызметкерлерінің жұмысына берген халықтың лайықты бағасын саралауға көштік. Ашық алаңшаға тұрғындар ойын еркін білдіріп, шешімін таппаған мәселелері болса айта алады. Біз оны назарға алып, тиісінше жауапты жолдаймыз. Президент Жолдауында мемлекеттік қызметкерлер мен құқық қорғау органдарын барынша ашықтыққа шақырып отыр. Біз осыны іс жүзінде жүзеге асырудамыз. Біздің әлеуметтік желілердегі парақшаларымызда онлайн-форматта сауалнама іске қосылды. Оған кез келген пайдаланушы қатысып, Әділет департаментінің қызметіне баға бере алады және дәл сол жерден Департамент басшылығының жеке қабылдауына жазыла алады. Сондай-ақ, сыбайлас жемқорлықтың көріністері жайлы Әділет департаментінің сенім телефонына 33-79-29 нөмiрi арқылы хабарласуға болады. Осы және басқа да шараларды жүргізу арқылы Әділет департаментінің қызметінің ашықтық принципін, «Халық үніне құлақ асатын мемлекет» қағидатын жүзеге асыру бағытын басымдық ретінде белгіледік.

Бұдан бөлек Шымкент қаласының Әділет департаментінің әлеуметтік желідегі https://t.me/shymkentadilet_bot ақпараттық каналы іске қосылды. Аталмыш жүйенің азаматтармен кері байланыс орнату бағытында алатын орны ерекше екендігі атап өту керек.

Қазіргі таңда телеграм-ботты пайдаланушылар қатары күн санап көбеюде. Онда азаматтар әділет органдарына қатысты қажетті саланы таңдау арқылы өзін толғандырған сауалға автоматты түрде жауап ала алады. Сонымен қатар мұнда тиісті ақпараттарды смартфон арқылы жүктеп алу мүмкіншілігі де қарастырылған.

Телеграм - ботты іске қосудағы негізгі мақсат- азаматтардың құқықтық сауаттылығын арттыру мен қатар өмірлік маңызы бар мәселелерді шешуде заң көмегін көрсету және сапалы заң көмегін алуды қамтамасыз ету болып табылады.

Және ең бастысы, Департамент жанынан азаматтардың өтініштерімен жұмыс жасайтын, адвокаттар, нотариустар, заң кеңесшілер мен медиаторлар, бұдан бөлек блогерлер мен тілшілер және Қазақстан Республикасы Президенті жанындағы Ұлттық қоғамдық сенім кеңесі мүшесінің қатысуымен қоғамдық комиссия отырыстары өз жұмысын бастап кетті.

Ағымдағы жылдың 1 тоқсанында аталған комиссия бірнеше рет азаматтарды қабылдау өткізіп, алимент өндіру, сот актілерінің орындалуы және жылжымайтын мүлікті тіркеу сынды бірқатар әділет органдары құзіретіне жататын көптеген түйіткілді мәселелерді шешуде.

Шымкент қаласының Әділет департаментінің жанынан құрылған дауларды реттеу және даулылықты азайту жөніндегі Қоғамдық комиссия қабылдауына қатысуға өтінім білдіру «whatsApp» желісі арқылы жүргізілетіндігін хабарлаймын. Тел:   +701 512 5357

Шымкент қаласының
Әділет департаментінің әкімшілік бөлімінің
бас маманы Майра Маматаева

Қазіргі заманда бізге күн сайын өзгеріп отыратын жаңа тенденциялармен бетпе-бет келетіндіктен, әлемде елдің серпінді дамуының шарты ең алдымен, құқықтық мемлекет құру болып табылады. Себебі ол құқықтар мен бостандықтарды сақтаудың кепілі ғана емес, сонымен қатар елдің инвестициялық тартымдылығының негізгі өлшемі.

Бүгін «Аntikor ortalyǵy» алаңында Сыбайлас жемқорлыққа қарсы іс-қимыл Агенттігінің Шымкент қаласы бойынша департаменті басшысының бірінші орынбасары Т.Серікбаев Қазақстан Республикасының Әкімшілік құқық бұзушылықтар туралы Кодексіне енгізілген өзгерістер бойынша брифинг берді.

Брифинг барысында спикер Сыбайлас жемқорлыққа қарсы қызметіне әкімшілік сыбайлас жемқорлық құқық бұзушылықтарын анықтау және жауапкершілікке тарту бойынша өкілеттіктер бекітілгенінен хабардар етті.
 Сыбайлас жемқорлыққа қарсы қызметке 15 бап бойынша әкімшілік құқық бұзушылық туралы хаттамалар толтыру құқығы берілгенін атап өтті.

Олардың ішінде Кодекстің алты сыбайлас жемқорлық бабы (ӘҚБтК-нің 676-681-баптары), кәсіпкерлік қызмет саласындағы екі құрам (ӘҚБтК-нің 154, 173-баптары), мемлекеттік билік институттарына қол сұғатын және әкімшілік немесе қылмыстық іс жүргізу кезіндегі бұзушылықтарға байланысты жеті құқық бұзушылық (ӘҚБтК-нің 658-662, 665, 667-баптары) бар.

Сонымен қатар, онлайн брифингте Т.Серікбаев мемлекеттік функцияларды орындауға уәкілеттік берілген немесе оған теңестірілген тұлғалардың жауапкершілігі туралы баяндады.

«Мемлекеттік функцияларды орындауға уәкілеттік берілген адамның не оған теңестірілген адамның заңсыз материалдық сыйақы, сыйлықтар, жеңілдіктер не қызметтер алуы, егер бұл әрекеттерде қылмыстық жазаланатын іс-әрекет белгілері болмаса, 600 АЕК мөлшерінде айыппұл көзделген», – деді Т.Серікбаев.
Тұрғындарды сыйлық бермеуге, мемлекеттік қызметшілердің міндеті халыққа қызмет көрсету екендігін айта келе спикер сыйақылар, сыйлықтар немесе жеңілдіктер бергені үшін жеке тұлғалар 200 АЕК көлемінде айыппұл төлейтіндігін, бұл шамамен 600 мың теңге болатындығын,  егер мұндай сыйақы немесе сыйлық заңды тұлға тарапынан берілетін болса айыппұл 700 АЕК-ке дейін өсетіндігін айтты.

«Мемлекеттік орган басшыларының және өзге де лауазымды тұлғалардың сыбайлас жемқорлыққа қарсы іс-қимыл бойынша шаралар қабылдамағаны үшін жауапкершілігін көздейтін Кодекстің 680-бабы – аталған лауазымды тұлғаларға 100 АЕК көлемінде, бұл шамамен 300 мың теңге айыппұл салуға әкеп соғады» - деді спикер.

Брифингте жемқорлықпен ұсталған адамдарды жұмысқа қабылдаған басшыларға да қатысты жаапшкершілік жайы хабарланды.

Бұрын сыбайлас жемқорлық қылмыс жасаған адамдарды жұмысқа қабылдағаны үшін мемлекеттік органның немесе ұлттық компанияның басшысы өз қалтасынан 100 АЕК көлемінде айыппұл төлейді. Айта кету керек, сыбайлас жемқорлық қылмыс жасаған адамдарды жұмысқа орналастыруға тыйым салу туралы талап бұған дейін тек мемлекеттік қызмет пен квазимемлекеттік сектордың басшы лауазымдарына қатысты болса, биыл жыл басынан бастап күшіне енген Еңбек кодексіне енгізілген түзетулерге сәйкес сыбайлас жемқорлық үшін сотталған адамдарды кез келген квазимемлекеттік сектор лауазымына қабылдауға толық тыйым салынған.
Брифингті қорытындылай келе Т.Серікбаев әкімшілік тәжірибені күшейту сыбайлас жемқорлықпен күресте оң серпін беретіндігін айтып, тұрғындарды жемқорлықпен күресте белсенділік танытуға шақырды.

Сонымен қатар, брифинг барысында Шымкент қаласы бойынша қорғаныс істері жөніндегі департаментінің басшысы Алмаз Тілеуханов мекеме тарапынан сыбайлас жемқорлықтың алдын алу мақсатында атқарылған жұмыстармен таныстырды. Спикер Департамент қызметіне қатысты сұрақтар бойынша 8(7252) 558129 сенім телефонына хабарласуға шақырды.

Сонымен қатар, жемқорлық көріністеріне тап болған жағдайда Агенттіктің тәулік бойы жұмыс жасайтын 1424 Call-орталығына хабарласуға шақырды.

 «E-Salyq Azamat»  мобильді қосымшасында жеке тұлғалардың салық міндеттемелерін орындауға арналған әртүрлі қызметтер бар, мысалы: 

- салықтарды банк бөлімшелеріне бармай және комиссиясыз төлеу;
- салық берешегін тексеру;
- артық төленген салықтарды есепке жатқызу;
- мүлікке, жерге және көлікке салықты тексеру және есептеу;
- салық обьектілерін қарау (жылжымайтын мүлік және көлік);
- жылжымайтын мүлік және көлік туралы ақпараттарға түзетуді жасау;
- жұмыс берушіңіздің жалақыңыздан табыс салығы мен әлеуметтік төлемдердің қанша ұстап қалғанын тексеру;
- жалпыға бірдей декларациялау аясында активтер мен міндеттемелер туралы декларацияны (250.00 нысаны) ұсыну;
- мемлекеттік кірістер органдарының қызмет көрсету орталықтарына баруды онлайн брондау.

«e-Salyq Azamat»  тегін мобильді қосымшасын «App Store» немесе «Play Market»-тен жүктеуге болады. Авторизациялау тәсілдері туралы ақпарат мобильді қосымшада бар.
МКК-нің YouTube арнасында қосымшада жұмыс жасаудың бейненұсқаулықтары орналастырылға.
Толығырақ ақпаратты ҚР ҚМ Мемлекеттік кірістер комитетінің сайтынан «1414» нөміріне хабарласып, немесе ugd.enbekshi инстаграм парақшасында алуға болады.

Еңбекші ауданы бойынша Мемлекеттік кірістер басқармасы