Шымкент келбеті

«Бука» спектаклі. Ашығын айтқанда, біздің кейіпкеріміздің бағын ашқан осы қойылым. 1988 жылы Ақтау қаласында өткен қуыршақтар театрында алғаш рет «Бери Бом» атты кішкентай-ақ тиынның рөлін сомдап, көпшілікті тәнті етті. Мамандар тарапынан да жоғары бағаға ие болған. «Ол кісі кім екен?» деп қызығушылық танытсаңыздар айтайын. Маңғыстау облыстық қуыршақтар театрында жастайынан еңбек етіп келе жатқан Фарида Атакеева.

Шымкент қалалық опера және балет театрында хор ұжымы «Күтемін сені» атты композициялық драманың жаңа форматтағы қойылымын көрерменге паш етті. Сюжеттің негізінде екі басты кейіпкер – Баритон мен Колоратурлық Сопрано арасындағы махаббат хикаясы баяндалды. Қойылымды сахналаған актерлер және театрдың хор ұжымы өнер мен шынайы өмір әлеміндегі нағыз оқиғаны театр сүйер қауымға жеткізіп, ерекше атмосфера сыйлады. ⁣⁣ ⁣⁣

Шымкент қаласы әкімдігі денсаулық сақтау басқармасының ұйымдастыруымен қызылша ауруының алдын алу және оған қарсы вакцинациялау мәселелері бойынша дөңгелек үстел мәжілісі өтті. Дөңгелек үстелге аталған салаға жауапты мемлекеттік органдардың өкілдері, дәрігерлер мен дін қызметкерлері қатысты.

Алғашқы капиталын ешкі бағып, оның сүтін сатудан бастаған Кәмшат Сүлейменова «Бастау бизнес» жобасының үлкен мүмкіндік бергенін айтады. Еңбекқор әйел басында туыстарының ешкісін сауып жүріп, ешкі сүтіне деген сұраныстың көптігін байқаған. Өзі де кәсіп ашуды жоспарлап жүргендіктен мемлекеттік грантқа үміткер болып, бизнес жоспарын қорғап шығады. Сол арқылы 1 380 000 теңгеге 5 бас ешкі, 1 теке алып, аз уақыттың ішінде кәсібін бастап кетті.

Шымкенттегі қалалық Оқушылар сарайы жаңа оқу жылын осы тақырыптағы Ашық есік күнімен бастады. Тарихы терең бұл мекемеде шығармашылығын шыңдаған балалар мен жасөспірімдер Қазақстанда ғана емес, әлемнің талай елінде өткен додаларда топ жарып жүргенін мақтанышпен айтуға болады.

27 қыркүйек – бүкіләлемдік туризм күніне орай, Шымкент қаласы туризм, сыртқы байланыстар және креативті индустрия басқармасы «Visit Shymkent» туристік ақпараттық орталығының ұйымдастыруымен үш күндік пресс-тур өтті. Ақпараттық турға 50-ге жуық шетелдік және отандық travel-блогерлер, БАҚ өкілдері қатысып, қонақтар қаланың тарихи және тартымды орындарын тамашалады. Алдымен Өзбекстан, Қырғызстан, Әзірбайжан, Үндістан, Германиядан келген қонақтар А.С.Пушкин атындағы қалалық әмбебап кітапханасында басқосып, оларға үшінші мегаполистің туристік әлеуеті туралы ақпарат беріліп, имидждік бейнеролик көрсетілді.

Шымкентте қиын өмірге тап болған пробация жастарына психологиялық жеке қабылдау өтіп жатыр. Азаматтардың қылмыстық құқық бұзушылыққа бармауы үшін мінез-құлқын түзетуге бағытталған қызмет түрін биыл 150 азамат алады. Психолог мамандар жеке қабылдауға суицид жасайтындар, пробация тізімінде бар және лудоманияға душар болған жандар жүгінетінін айтты.⁣⁣

Қалалық арнайы көзі көрмейтін және әлсіз көретін азаматтарға арналған кітапханасында зағип жандар арасында шахматтан жарыс өтті. Спорттық додаға 20 мүмкіндігі шектеулі ойыншы қатысып, өзара жеңімпазды анықтады. Үздік шыққан шахматшыны Жастар ресурстық орталығында өтетін кеште арнайы марапаттайтын болады.