Қала әкімінің орынбасары Ерғали Білісбеков күрделі жөндеуден өтіп жатқан үйлерді аралап, тұрғындармен кездесті. Жангелдин көшесіндегі ширек ғасырдан астам уақыт жөндеу жұмыстары жүргізілмеген №12 А үй толығымен қайта жаңғыртылып отыр. Жауапты басшы аралау барысында сала жетекшілері мен жөндеу жұмыстарын жүргізіп жатқан мекеме қызметкерлеріне бірқатар тапсырма берді.
Қарасу шағынауданындағы №82 үйдің төрайымы Валентина Бондаренко тұрғын үйдің қайта жаңғыртылып, әбден тозығы жеткен жерлерінің өңделгеніне қуанышты. Ол көп жағдайда ортаңғы қабатта тұратын азаматтар жертөле немесе шатырдың жөндеу жұмыстарына қатысқылары келмейтіндігін, коммуналдық жүйе істен шығып, шатырдан су өтсе жөндеу жұмыстары бүкіл үй тұрғындарына ортақ шаруа екенін түсінгісі келмейтіндер де бар екенін айтты.
Айта кетейік, тұрғын үйлерге күрделі жөндеу жұмыстарына қаражат жергілікті бюджет есебінен бөлініп, қайтарымды негізде жүргізілуде.