Семинардың мақсаты – жастардың бойындағы көшбасшылық қабілетті дамыту, көпшілік алдында еркін сөйлеуді үйрету, дейді ұйымдастырушылар.
– Өзіңді өзгерпей, өзгені өзгерту мүмкін емес. Қоғаммен араласпай, көпшілік ортада қорқатын адамдарға психологтың көмегі керек-ақ. Кездесуде осы тақырыпта кеңес айттық. Бұдан бөлек, жауапкершілікке, жауапкершілік алуға қатысты білімге қазіргі жастар бей-жай қарайтыны байқалады. Осы тақырып төңірегінде жұмыс істеу керек, – деді тәжірибелі психолог Марал Жұмагелді.
Семинар барысында жастар кәсіби мамандармен ашық форматта тілдесіп, сұрақ-жауап өрбіді.
Айта кетейік, Шымкент қалалық Жастар ресурстық орталығының төрт бөлімшесі 14-29 жас аралығындағы жастарға психологиялық көмек беруге дайын. Жеке қабылдаудан өтуге болады.
