Шымкент келбеті

Қалалық «Жастар ресурстық орталығы» КММ-де 2023 жылғы іс-шаралар жоспары аясында 12 бағыт бойынша жұмыс жүргізіліп, оған 360 мың жас қамтылған. Қалада мемлекеттік жастар саясатын жүргізуде тиісті жұмыстар қолға алынған. Дегенмен, шешімін күткен мәселелер де бар. Шымкент қаласының ішкі саясат және жастар істері жөніндегі басқармасының мемлекеттік жастар саясатын жүзеге асыру бағыты аясындағы алқа отырысында жастар саясаты мәселелері талқыға түсті.

Қаладағы Ұлттық теннис орталығында жастар арасындағы әлем чемпионатына іріктеу бойынша Дэвис кубогы кезеңінің ұлдар арасындағы сайыстың ашылу рәсімі өтті. Junior Davis Cup Азия/Океания аймағының іріктеу сайысында 16 жасқа дейінгі аталған аймақтың ең мықты жасөспірімдері бақ сынайды.

Шымкент қаласында алғаш рет ересектер арасында жамбы атудан Азия чемпионаты өтуде. 14-18 сәуір аралығына жоспарланған құрлық чемпионатында 14 мемлекеттен (Индонезия, Кувейт, Қырғызстан, Қытай, Моңғолия, Оман, Өзбекстан, Пәкістан, Ресей, Сауд Арабиясы, Сирия, Тайвань (Қытай туымен), Тайланд және Қазақстан) келген 64 спортшы бақ сынап жатыр.

ҚР Ұлттық Олимпиада комитетінің Олимпиадаға дайындық штабының жетекшісі Елсияр Қанағатов Шымкент қаласына арнайы іссапармен келді. Жұмыс сапары аясында биыл Парижде өтетін Олимпиада ойындарына Шымкент қаласынан қатысатын спортшылардың дайындығын пысықтап, бірқатар мәселелерді талқылау үшін жауапты өкілдермен кездесу өткізді.

Қазақстан халқы Ассамблеясының Шымкент қаласындағы штабы 6 сәуірде 10 миллион теңгеге 20 тонна гуманитарлық көмектің алғашқы легін Атырауға жөнелтті. Көмек жинауға арналған қайырымдылық шарасы «Жүректен – жүрекке» акциясының аясында қолға алынған. Қазіргі уақытта гуманитарлық көмектің 20 тонналық екінші партиясы жөнелтуге дайын. Бұл туралы Өңірлік коммуникациялар қызметінің алаңында айтылды.

Шымкентте Абай ауданы аумағындағы Асар-2 шағынауданын электр қуатымен қамтамасыз ету жұмыстарының 2-кезеңі аяқталды. Қала әкімі Ғабит Сыздықбеков ел игілігіне тапсырылған нысанның мүмкіндіктерімен танысып, тұрғындарды инженерлік жүйелермен қамту кезең-кезеңімен іске асатынын атап өтті.

Шымкент қаласының сәулет, қала құрылысы және жер қатынастары басқармасының басшысы Нұрбол Жүнісбеков атқарылған жұмыстар және алдағы жоспарлар туралы баспасөз брифингін өткізді. Қаланың әлеуметтік-экономикалық дамуына мүмкіндік беретін жерді тиімді пайдалану, жер ресурстарын басқару мен жер қатынастарын мемлекеттiк реттеу, сыртқы жарнамаларды ретке келтіру, жер телімдерін мемлекет мұқтаждығына қайтару, Бас жоспарды жүзеге асыру жұмыстарының барысын баяндады.

Шымкентте көктемгі әскер қатарына шақыру науқаны басталды. Биыл көктемгі науқанда 948 азаматты әскер қатарына жіберу көзделген. ҚР Қарулы Күштерінің десанттық шабуылдау әскерлеріне жас сарбаздарды салтанатты шығарып салу іс-шарасы өтті.