Ең төменгі жалақыны көтеру мәселесімен айналысып жатырмыз
Пятница, 11 Август 2023 05:25
ҚР Кәсіподақтар федерациясының төрағасы Сатыбалды Дәулеталин Шымкент қаласына жұмыс сапары аясында «Су ресурстары-Маркетинг» ЖШС-і басшылығы және қызметкерлерімен кездесті.
Компанияда тәуелсіз кәсіподақ кәсіпорын құрылғалы бері жұмыс істейді. Қызметкерлердің еңбек шарттарын, персоналға әлеуметтік қолдау көрсету, жастарға, көпбалалы отбасыларға, өндіріс ардагерлеріне әлеуметтік кепілдік ұсыну бойынша бірқатар шаралар қабылдануда. Алдымен төраға мекеменің мұражайын, орталық диспетчерлік қызметтің жұмысымен танысты. Мекемеде 1000-ға жуық адам жұмыспен қамтылған. Онда орташа айлық жалақы – 150 000 теңге. 927 қызметкер кәсіподақ мүшесі.
– Іссапарымыздың негізгі мақсаты – өңірде қалыптасқан әлеуметтік еңбек қатынастарын реттеу мәселесі. Яғни, жұмыскерлердің әлеуметтік жағдайы, жалақыны көтеру мәселесі, еңбек қауіпсіздігі, мекеменің кәсіподақтармен бірлесіп, әлеуметтік әріптестікті арттыру, лайықты еңбек жағдайын қарастырудағы жұмыстарымен танысу. Қазіргі таңда кәсіподақтар ретінде ең төменгі жалақыны көтеру мәселесімен айналысып жатырмыз. Экономикалық жағдайларды ескере отырып, ең төменгі жалақы мөлшерін кезең-кезеңімен өсіру мәселесі назарымызда тұр. Бұл мекеме басшылығы ендігі ретте жұмысшылардың жалақысын арттыру бойынша кешенді шаралар қабылдауы керек. Талаптар-ұсыныстар хаттамасын зерделеп, бұл мәселені Үкіметтің алдында көтереміз, – деді Сатыбалды Дәулеталин.
Серіктестіктің бас директорының орынбасары Жанатбек Тұрдалиевтың айтуынша, компания басшылығы жасалған ұжымдық келісімшарт аясында таңдалған әлеуметтік басымдықтарды ұстанып келеді. 2023 жылдың басында қызметкерлердің денсаулық жағдайын жақсарту мақсатында спорт кешені ашылған. Мекеме заманауи корпоративтік саясатты жүргізуде әріптестік байланыстарды жақсарту, кадр жүйесінің кәсіптік деңгейін арттыру бойынша тренингтер және шеберлік сабақтарын ұйымдастыруда.
«Шымкент қаласы кәсіподақтар орталығы» аумақтық кәсіподақтар бірлестігінің төрағасы Бауыржан Әлтеевтің мәлімдеуінше, 2023 жылдың 6 айында қалада 12 бастауыш кәсіподақ ұйымы құрылып, оған 2043 адам тартылған. Ол мекемелердің жұмыс берушілері мен кәсіподақ ұйымдары арасында ұжымдық шарттар жасалып, Шымкент қаласының мемлекеттік еңбек инспекциясы басқармасынан тіркеуден өтті.
Ескіміз жаңарса, еңсеміз тіктеледі
Пятница, 11 Август 2023 04:53
Шымкент қаласында тұрғын үй қорын реновациялау және қайта жаңғырту бағдарламасы қолға алынған еді. Жаңа бағдарлама тозығы жеткен ғимараттарды жойып, мегаполистің сәулеттік ерекшелігіне сай зәулім үйлер қатарын арттыруды мақсат еткен.
Реновация бағдарламасы аясында Еңбекші ауданы Безделев көшесіндегі (72а үй) тозығы жеткен 8 пәтерлі ескі тұрғын үйдің орнына 36 пәтерлі көпқабатты тұрғын үй салу жоспарлануда. Осы орайда, ескі үйдің сүрілуіне байланысты 50-ге жуық тұрғынның көшу рәсімі ұйымдастырылды. Үйдің тұрғындары бағдарламаға қатысуға келісімін беріп отыр. Жеке инвестор ескі үйдің орнына 7 қабатты зәулім үй салуды жоспарлауда. Осы ретте «Shymkent» ӘКК» АҚ инвестордың ұсыныстарын қарап, құжаттарын зерделеуден өткізген. Тұрғындардың уақытша пәтерлерге көшу, жалпы барлық шығындары инвестордың өз қаражаты есебінен төленеді.
Енді апатты жағдайдағы үйдің орнында «Ай-
Барыс» көпқабатты жаңа тұрғын үй салынады. Бас мердігер «Adal toby» ЖШС-і құрылысты 2023 жылдың III тоқсанында бастауды жоспарлап отыр. Құрылысты 2024 жылдың IV тоқсанында аяқтау белгіленген. Тапсырыс беруші – «B like» ЖШС.
Қазіргі таңда тұрғындарға реновация бағдарламасы шарттары түсіндіріліп, тұрақты жұмыстар атқарылуда. Авариялық және тозығы жеткен тұрғын үйлерді бұзу меншік иелерінің келісімін алғаннан кейін жүргізіледі. Меншік иелеріне құрылыс кезеңінде уақытша баспана немесе пәтер жалдау үшін ақшалай өтемақы беріледі.
Бағдарламаға қатысу үшін жеке инвесторлар тұрғын-жай меншік иелерінің келісімін алып, «Shymkent» ӘКК» АҚ-мен келісімшарт жасасады.
САПАЛЫ ИНТЕРНЕТПЕН ҚАМТУ: 10 ЕЛДІ МЕКЕНДЕ ЖҰМЫСТАР АЯҚТАЛДЫ
Пятница, 04 Август 2023 04:13Шымкент қаласында халықты сапалы интернетпен қамтамасыз ету жұмыстары қарқын алған. 2025 жылға қарай үшінші мегаполисті жүз пайыз талшықты-оптикалық және мобильді интернет желісімен қамту көзделген. Бүгінгі таңда шалғай елдімекендерге сапалы интернет жеткізу басым бағыттардың бірі. Жыл басынан бері қанша тұрғын алапта жұмыстар аяқталды? Жыл соңына дейін қай елді мекендерге сапалы интернет толық жеткізіледі?
ЖЕТІ АЙДА ҚАНДАЙ ЖҰМЫС АТҚАРЫЛДЫ?
Среда, 02 Август 2023 04:08«AMANAT» партиясы Шымкент қалалық филиалында партияның 2023-2027 жылдарға арналған «Халықпен бірге!» атты сайлауалды бағдарламасының орындалу барысы және атқарылған жұмыстар бойынша баспасөз брифингі өтті.
ҚОРЖЫНДА 2 АЛТЫН, БІР ҚОЛА
Среда, 26 Июль 2023 04:47Малакка қаласында (Малайзия) өткен WKF каратэден ересектер арасындағы XIX Азия чемпионатында Шымкент қаласының спортшылары 2 алтын, бір қола медаль еншіледі. Азия чемпионатының жеңімпаздары мен жүлдегері – Софья Берульцева, Қайсар Алпысбай және Данияр Юлдашевті Шымкент әуежайынан жерлестері қошеметпен күтіп алды. Іс-шараға жеңімпаз спортшылардың ата-анасы, спорт мектебі басшылары, жанкүйерлер жиналды.
Шахматқа қызығатын бала көп
Пятница, 21 Июль 2023 10:53Шымкент қаласында спорттың жекелеген түрлерін, сонымен бірге кәсіби спортты дамыту шарлары жүйелі жүргізілуде. Атап айтқанда, спорт мекемелері, спорттық тапсырыс жобасы аясындағы ұйымдар, спорт түрлерінен әуесқой клубтар және жергілікті федерациялар тарапынан спорт секциялары ашылып, жұмыс істеуде.
Биыл Ұлттық және ат спорт түрлері кешенді спорт клубында «Дәстүрлі садақ ату» спорт түрінен спорт секциясы ашылып, 20 жасөспірім жаттығуға тартылды. Шымкент қаласының «Дәстүрлі садақ ату» федерациясында дәстүрлі садақ ату спортын дамыту үшін үйірмелерде 100-ге жуық қалалық шұғылдануда. Қазіргі уақытта шаһарда жан басына шаққандағы спорттық секцияны қаржыландыру бағдарламасы аясында 20 спорт түрімен 16790 жуық бала спорт үйірмелермен қамтылды.
Шымкент қаласының шахмат федерациясы мен дене шынықтыру және спорт басқармасы бірлесе шахмат спортын жалпы орта мектептерде жүргізу мақсатында дене шынықтыру пәні мұғалімдеріне 36 сағатты қамтитын семинар өткізіліп, 324 мұғалімге сертификат тапсырылды.
Қазіргі таңда мектептерде ашылған шахмат үйірмелерінде 20 мыңнан аса бала қамтылып отыр. Ал, кәсіпкерлер тарапынан ашылған ұйымдар мен орталықтарда 1000-ға жуық бала шахмат секциясында шеберліктерін арттыруда. Қала тұрғындарының бос уақытын тиімді пайдалану үшін қала аумағындағы саябақтарда арнайы шахмат үстелдері мен алаңы орнатылған.
Сонымен қатар, қала аумағында жеңіл атлетика спортын дамыту және салауатты өмір салтын ұстану мақсатында жеке кәсіпкерлер және тағы басқа ұйымдардың қызметкерлерінен құралған «Әуесқой жүгірушілер» клубтары жұмыс істеп жатыр. Онда 400-ге жуық шұғылданушыға білікті мамандар арнайы жаттығу жұмыстарын өткізуде. Спорт түрлерінің дамуына қаламыздың жалпы әрбір тұрғыны өз үлестерін қосып келеді.
Экспедиция туристік бағыттарды дамытуға серпін берді
Пятница, 21 Июль 2023 06:42
Шымкент қаласының «Visit Shymkent» туристік-ақпараттық орталығының ұйымдастыруымен 18-20 шілде аралығында «Белгілі және белгісіз Сайрам» туристік экспедициясы өтті. Тарихшылар, археологтар, тәжірибелі гид-экскурсоводтар мен БАҚ өкілдері қатысқан баспасөз турында бағыт аумағын зерделеу, тарихи оқиғаларды анықтай отырып, өлкетану, ғылыми зерттеу, іздестіру жұмыстарын жүргізу қолға алынды.
Экспедиция кесенелерден бастау алып, «Қызыр» мұнарасы, «Мәртөбе» төбесінде жалғасқан. Келесі күні қатысушылар Сайрам базарындағы Қарахан дәуіріне тиесілі моншаның бөлшектеріне шолу жасап, көне қақпа мен Шахристанның бекініс қабырғаларын аралады. Сайрамдағы тарихи-өлкетану музейінде орналасқан экспонаттарға шолу жасады.
Экспедиция жұмысына магистр-тарихшы, өлкетанушы Миралим Мирхалдаров, археолог Азамат Ергешбаев, кәсіби гид-экскурсоводтар атсалысып, бүгін туристік сапарды арнайы баспасөз мәжілісінде қорытындылады. «Visit Shymkent» туристік-ақпараттық орталығының басшысы Ерлан Омаров алдағы уақытта жаңа тақырыптық туристік бағыттарды құру жұмыстары атқарылатынын атап өтті. Соның ішінде жаяу жүргіншілердің экскурсиялық маршрутын жасау туралы шешім қабылданған.
– Сайрам – көптеген көне аңыздар мен құнды жәдігерлері бар қала мәдениетінің ең ірі ескерткіші. Сайрамның тарихы өте тереңде. Ендігі кезекте туристік бағыттарды дамыту, инфрақұрылымды жақсарту бойынша бірқатар жұмыстарды іске асыру қажет. Шетелдік туристер үшін Сайрам тұрғын алабында визиттік-ақпараттық орталық ашу да уақыт күттірмейтін мәселе. Жалпы кезекті баспасөз-туры өзекті мәселелерді шешудің алғышарты болды, – дейді Ерлан Сүйіндікұлы.
Сонымен қатар, жиында тарихшылар мен археологтар тарихи тақырыпта турларды жиі өткізу, өлке тарихын мектеп оқушыларына оқыту, туристік нысандарды жаңғырту, инфрақұрылымды дамыту бойынша бірқатар ұсыныстарын жеткізді. Археолог Азамат Ергешбаев қазба жұмыстарына қатысқан маман ретінде туристік кластер құруға қолдан келген көмегін көрсетуге дайын екенін айтты.
Рейдтік іс-шаралар жалғасуда
Пятница, 21 Июль 2023 05:49
Шымкент қаласының барлық аудан аумағында кәмелетке толмаған жасөспірімдер арасындағы құқық бұзушылықтың алдын алу мақсатында бекітілген түнгі рейдтік іс-шаралар жүргізілуде.
Аудан әкімдіктері және аудандық жергілікті полиция бөлімі ювеналды полиция тобы бірлескен іс-шарада түнгі 23:00-ден таңғы 05:00 аралығында 18 жасқа толмаған жасөспірімдердің үй аумағынан тыс жерде немесе ойын-сауық орталықтарында ата-анасының немесе заңды өкілінің ертуінсіз жүрген жасөспірімдер бақыланады.
Жыл басында бекітілген кестеге сәйкес, Абай ауданында бүгінгі таңда жалпы 40 рейдтік іс-шара өтіп, 480 жасөспірімнің ата-анасына ескерту жасалған. Жүргізілген іс-шара нәтижесінде түнгі уақытта кәмелетке толмағандардың басым бөлігі «Наурыз» алаңы мен «Бәйдібек би» ескерткіші маңдарында жүретіндігі анықталды.
Тұран ауданында жыл басынан бері осы мақсатта 10 рейд өткізілді. Нәтижесінде түнгі уақытта ата-анасыз және заңды өкілдерінсіз, кәмелет жасқа толмаған 25 жасөспірімнің ата-анасына айыппұл салынды. Сонымен қатар, ішімдік тұтынған 5 жасөспірімге хаттама түзілді. Қазіргі таңда түрлі акциялар аясындағы рейдтік жұмыстар өз жалғасын табуда. Ал Әл-Фараби ауданында әр аптаның жұма, сенбі күндері рейдтік іс-шаралар тұрақты түрде өткізіледі.
Қаратау ауданында жыл басынан мамыр айына дейін аудандық полиция басқармасы, аудан прокуратурасы және аудан әкімі аппараты қызметкерлерімен бірлесе, жастар арасындағы құқық бұзушылықтың алдын-алу бойынша түнгі рейдтік іс-шаралар кезінде 792 әкімшілік хаттама толтырылған. Кәмелетке толмағандар арасында құқық бұзушылық, нашақорлық, тұрмыстық зорлық-зомбылық профилактикасы, тұрғындар арасында керіағар діни ағымдар мен секталардың қауіптілігі бойынша оқушылар арасында түсіндіру жұмыстары тұрақты түрде өткізілуде.
Жалпы аталған іс-шара жоспарына сәйкес, жұмыстар тұрақты түрде жүргізіледі.
