Қазақстан Республикасы оқу-ағарту министрінің бұйрығына сәйкес, жыл сайын 1-сыныпқа баратын оқушыларды қабылдау сәуір айынан басталып, тамызға дейін жалғасады. Ресми мәліметтерге сүйенсек, бірінші сыныпқа баратын бүлдіршіндер саны жылдан-жылға артып келеді. Мәселен қалада 2021-2022 оқу жылында 1-сыныпқа қабылданған оқушылар – 25 005 болса, 2022-2023 жылы – 26781, ал биылғы оқу жылында – 26 969 оқушы қабылданған.
Мемлекеттік орта білім беру ұйымдарында қабылдау шарасы электрондық үкімет порталы арқылы да онлайн жүзеге асырылады. Ата-аналарға ыңғайлы болу үшін құжаттарды дәстүрлі қағаз форматында да беруге болады.
Ата-аналар мектепке балаларды балаларды өздерінің тұрғылықты жерлері бойынша ғана емес, бос орындар болса, кез келген басқа да мемлекеттік білім ұйымдарына тіркелуге мүмкіндігі бар.
Айта кетейік, қазіргі уақытта 1-сыныпқа 14 991 бала қабылданған. Оның ішінде қазақ сыныптарына 11 300 ата-ана өтініш білдірген.
