Қала әкімі Мұрат Әйтенов құрылыс алаңында болып, жұмыс барысымен танысты.
Нысанның ұзындығы Қонаев даңғылы бойынша бір шақырымды, Рысқұлов көшесі бойынша 0,7 шақырымды құрайды. Жыл соңына дейін ел игілігіне пайдалануға беру жоспарлануда.
Бүгінгі таңда мұнда 3,3 шақырым су, газ құбырларының орнын ауыстыру, тоннел қазу, 60 метр тіреу қабырғаларын құю, 7 бағана орнату және 75 қада құю жұмыстары орындалды.
Сонымен қатар, аталған жолайрықта жерасты өткелінің құрылысы жоспарланған. Құрылыстың жобалау-сметалық құжаттамасын әзірлеу үшін қаржы қарастырылып, мемлекеттік сатып алу конкурсы жүргізіліп жатыр.
Қала әкімі атқарылған жұмыстарды көріп, сала басшысына көлік кептелісі секілді қолайсыздықтар шешімін табу үшін нысанның құрылысын мерзімінде аяқтауды тапсырды.