Шымкент келбеті

Шымкент қаласының әкімі Ғабит Сыздықбеков Мурад Юстел бастаған «Aksa Energy» компаниясының өкілдерімен кездесіп, қуаттылығы 500 МВт-қа дейін аралас циклды газ зауытын салу жобасын жүзеге асыру туралы меморандумға қол қойды. Қондырғы құрылысы биыл басталады.

Қазақстан Республикасының Қаржы министрі Мәди Тақиев Шымкент қаласына жұмыс сапарымен келді. Министрді қала әкімінің орынбасары Айдын Кәрімов қарсы алып, ең алдымен «Оңтүстік» арнайы экономикалық аймағын таныстырды. 2005 жылдан бері жұмыс істеп келе жатқан толыққанды тоқыма кластерін аралап, алдағы жоспарларын пысықтады.

«Театр – киім ілгіштен басталады» десек, адамдармен қарым-қатынас жеке сөйлесу мен әңгімелесуден тұрады. Адамды сырт келбетіне емес, саған деген қарым-қатынасына, сүйіспеншілігіне, адалдығына қарай сыйла деген де сөз бар.
Мемлекеттік қызметтегі «мінсіз бедел» қағидатын 2019 жылы ести бастадық. Сол кезде мемлекеттік қызметкердің сипаттамасы айқындала бастады. Мемлекеттік қызметкер – тәуелсіз еліміздің абыройы, беделі. Мемлекеттік қызметшілердің ең басты міндеті – халыққа адал қызмет ету, адамгершілікпен қызмет ету.
Осындай мінсіз беделді қалыптастыратын тағы бір қасиет – мемлекеттік қызметті тұтынатын халықпен нәтижелі әңгімелесе алу. Бүгінгі күннің мінсіз шенеунігі қандай болуы керектігін зерделеген біз Шымкент қаласы денсаулық сақтау басқармасына қарасты «Ана мен бала денсаулығын қорғау» бөлімінің басшысы Инна Глазебнаямен сұхбаттасқан едік.

Күн жылынса, қала тұрғындарының саябақ пен гүлзарларда серуен құруға асығатыны анық. Ал, олар қауіпсіздікке қаншалықты көңіл бөледі? Көгал шөпте кенеден қорғанып жүр ме?
Шымкент қаласы — Конго-қырым геморрагиялық қызбасының табиғи ошағы орналасқан аумақтардың бірі. Бұл аурудың тасымалдаушысы — қарапайым кене.

Ойын алаңшаларын сырлады

Шымкентте «Таза Қазақстан» республикалық акциясының үшінші — «Жасыл аймақ» апталығы қарқынды жұмыстармен жалғасын тапты.
Қаратау ауданына қарасты «Тұран-1» шағынауданында өткен акцияға Жастар ресурстық орталығының жастары, Шымкент қалалық опера және балет театрының қызметкерлері, Қаратау аудандық коммуналдық мекемесі, тұрғындар, мектеп оқушылары атсалысып, жалпы 100- ге жуық адам көпқабатты үйлердің аулаларында тазалық жұмыстарын жүргізіп, көшеттер егіп, балалар ойын алаңшаларын сырлады.
Аудан әкімінің орынбасары Азамат Пармановтың айтуынша, бұл күні Қаратау аудандық коммуналдық мекемесінің жұмысшылары шөп орып, ағаш бұталарын қырқып, ретке келтірді. 20-ға жуық техника жұмылдырылған.

Шымкент қалалық Әзіл-сықақ және сатира театры ғимаратында «Әділ билер» және «Әділ аналар» бірлестіктері есеп берді. Жиынға еліміздің түкпір-түкпірінен билер мен асыл аналар қатысты.

Мемлекет басшысы жаңа заңға қол қойды. Заң тұрмыстық зорлық-зомбылыққа қарсы жазаны күшейтпек. Енді отбасындағы ұрып-соғу жағдайлары Қылмыстық Кодекспен қаралады. Құжатқа сәйкес, денсаулыққа қасақана, ауыр не орташа зиян келтіруге қатысты жауапкершілік қатаңдатылды. Суицидке итермелегендер үшін де қылмыстық жауапкершілік енгізілді.
16 жасқа толмағандарға зорлық-зомбылық көрсеткендерге де бас бостандығынан айыру жазасы қарастырылған.