Шымкент келбеті

ЖАС ЭКОЛОГТАР ТАЛ ЕКТІ

«Таза Қазақстан» акциясы аясында «Жасыл аймақ» апталығына мектеп оқушылары да атсалысты. Іс-шара барысында Шымсити шағынауданында орналасқан №135 жалпы орта мектебінің ауласына ағаштар, гүлдер отырғызылып, абаттандыру жұмыстары жүргізілді. Іс-шараға экология, өлкетану және туризм орталығының жас экологтары мен №135 жалпы орта мектебінің оқушылары бірлесіп 30-ға жуық шырша ағашының көшеті мен 200 түп гүл отырғызды. Сонымен қатар жасыл желектер бапталып, шөп орылып, тазалық жұмыстары жүргізілді.

Шымкентте «Таза Қазақстан» республикалық акциясының төртінші –«Өнегелі ұрпақ» апталығы басталды. Апталықтың мақсаты–қаладағы жалғызілікті қарттарға, ардагерлерге, көмектесіп, жылулық сезімін жеткізу, сол арқылы басқаларға өнеге көрсету.

«Шымкент қаласы кәсіподақтар орталығы» аумақтық кәсіподақтар бірлестігінің төрағасы Бауыржан Әлтеевтің төрағалығымен әлеуметтік әріптестік және әлеуметтік-еңбек қатынастарын реттеу жөніндегі үшжақты комиссияның отырысы өтті. Комиссияның бүгінгі отырысы Еңбек күні қарсаңында ұйымдастырылды.

аға буынның қолында

Шымкентте С.Нұрмағамбетов атындағы №72 жалпы орта білім беретін мектептің қабырғасында «Қалалық ардагерлер ұйымы және ұрпақтар сабақтастығы» атты тәжірибе алмасу семинары өтті.

Шымкент қалалық мәдениет үйінің өнерпаздары 1 мамыр – Қазақстан халқының бірлігі күні мерекесі қарсаңында  «№10 арнаулы әлеуметтік қызметтер көрсету орталығы» КММ-де концерт қойды.

26 сәуір —Чернобыль апатын халықаралық еске алу күні. Биыл атом электр станциясында орын алған апатқа 38 жыл толды. Сұрапыл апаттың зардаптарын жоюға Оңтүстік өңірден 2000-ға жуық адам қатысты. Бүгінде сол жауынгерлердің 300-ге жуығы ғана арамызда жүр. Осы апат куәгерлері Чернобыль ардагерлерінің аллеясында орналасқан ескерткішке гүл шоқтарын қойып, апат құрбандарын еске алды.

Азаматтық қоғамды қалыптастыру – мемлекетіміз үшін маңызды бағыттардың бірі. Бұл іске «Шымкент қаласының Азаматтық альянсы» қоғамдық бірлестігі де өз үлесін қосып келеді. Альянстың бұл бағытта қолға алған шараларының бірі – бюджет қаржысының мақсатты жұмсалуына қоғамдық бақылауды қалыптастыру бағыты.