Елімізде 5 қыркүйек – Қазақстан халқының тілдері күні мерекесі аталып өтті. Мемлекет басшысы Қ.Тоқаевтың кезекті Жолдауында мемлекеттік тілдің маңыздылығы айтылды. Саяси құжатта адамды тіліне, ұлтына, нәсіліне қарап кемсіту заң бойынша жауапқа тартылатынын айтқан Президент қазақ тілін дамыту мемлекеттік саясаттың басым бағытының бірі болып қала беретініне тоқталды. Бұл салада айтарлықтай нәтиже де жоқ емес.

747

«Домалақ анаға» қошемет ерекше

Среда, 08 Сентябрь 2021 04:09

Шымкент қалалық опера және балет театрының ұжымы елордадан гастрольдік сапардан оралды. Өнерпаздарды қалалық әуежайдан Ханзада Есенова бастаған мәдениет басқармасының басшылары күтіп алды. Театр жетекшілерінің айтуынша, еліміздің бас қаласына жасалған сапар жемісті өткен.

740

Шымкентте ірі стратегиялық нысан ел игілігіне пайдалануға берілді. Соның нәтижесінде қаладағы инфрақұрылым сапасы жақсаратын болады. Атап айтқанда 250 мың тұрғын сапалы электр жарығымен қамтамасыз етіледі. Шымкент қаласының әкімі Мұрат Әйтенов Бозарық қосалқы станциясын салтанатты жағдайда іске қосып, көпшілік күткен нысанның енді ел игілігі үшін пайдаланатынын жеткізді. Салтанатты жиынға басқарма басшылығы мен энергетика саласының ардагерлері қатысты.

715

МЕМОРАНДУМғА ҚОЛ ҚОЙЫЛДЫ

Среда, 01 Сентябрь 2021 04:35

Шымкентте жұмыссыз азаматтарды жұмыспен қамту мақсатында «НГСК ҚазҚұрылысСервис» АҚ филиалы мен қалалық жұмыспен қамту және әлеуметтік қорғау басқармасымен өзара бірлескен меморандумға қол қойылды.

712

Миллион. Бұл – үшінші мегаполисте 2021 жылдың соңына дейін ел игілігіне берілетін баспананың көлемі. Осылайша республикалық қала дәрежесіне сай, Шымкент еліміз бойынша баспана құрылысы қарқынды жүріп жатқан аймақтардың көш басында келеді. Ал 2020 жылы қаламызда 650 мың шаршы метрге жуық баспана салынған болатын. Бұл – тәуелсіздіктің 30 жылында жеткен, ел мерейін тасытып, абыройын асқақтататын үлкен белес.

705

Шымкент қалалық опера және балет театрының ұжымы гастрольдік сапарға аттанды. Үшінші мегаполис өнерпаздары Нұр-Сұлтан қаласында «Домалақ ана» операсын сахналамақ. Жерлестерімізді сапарға шығарып салуға Шымкент қаласы әкімінің бірінші орынбасары Шыңғыс Мұқан және қалалық мәдениет басқармасының басшылары қатысты. Кездесуде Шыңғыс Жұмабекұлы қаламызда мәдениет саласына баса назар аударылып жатқанына тоқталды.

700

aleumettik-manyz

Шымкент қаласы мәслихатының кезектен тыс сегізінші сессиясы өтті. Сессия отырысына 28 депутат, қала әкімі Мұрат Әйтенов, аудан әкімдері мен басқарма басшылары қатысты.

Күн тәртібінде 6 мәселе қаралған сессияның бұл жолғы ерекшелігі – енді сессия төрағасының міндетін мәслихаттың хатшысы атқарады. Депутаттар бұл өзгерісті бір ауыздан қолдап, дауыс берді.

Өзекті тақырыптардың бірі қаладағы әлеуметтік маңызы бар көлік бағыттары тізіміне жаңа 7 бағытты енгізу болды. Бұл жайында қалалық жолаушылар көлігі және автомобиль жолдары басқармасының басшысы Ержан Жолдасов баяндама жасады. Алдағы уақытта №№ 9, 37, 87, 68, 69, 72 және 126 бағыттар да тізімге қосылып, осылайша әлеуметтік маңызы бар көлік бағытының саны 64-ке жетіп отыр. Сонымен қоса шаһардағы бағаны тұрақтандыру және мектептер мен мектепке дейінгі білім беру мекемелеріндегі білім сапасын арттыру мәселелері талқыланды. Басқарма басшылары депутаттар тарапынан қойылған сұрақтарға жауап берді.

Айта кету керек, күн тәртібіндегі мәселелер бұған дейін тұрақты комиссиялардың отырыстарында талқыланған. Сессия соңында қала әкімі Мұрат         Әйтенов көтерілген мәселелердің өзектілігіне тоқталып, қаладағы барлық 81 елді мекенді қоғамдық көлік қатынасымен қамту бойынша жүйелі жоспар түзілгенін, қазіргі таңда орындалу көрсеткіші 82 пайызға жеткенін мәлімдеді. Маңызды мәселелер бойынша қолдаған депутаттарға алғыс айтып, көпшілікті келе жатқан ҚР Конституциясы күнімен құттықтады.

Қала әкімі бұдан кейін Ресейде өткен еркін күрестен әлем чемпионатының қола жүлдегері Бекзат Ермекбаевты ортаға шақырып, арнайы құттықтап, қаржылай сертификат табыстады.

Кітап оқып, жеңілдік алыңыз

Среда, 25 Август 2021 06:38

kitap-okyШымкенттегі кітапханалар жүйесінде оқырмандарды жұмылдырудың жаңа әдісі қолға алынуда. Нақты айтқанда, Абай атындағы қалалық орталықтандырылған көпшілік кітапханалар жүйесінде жаңа карталы жүйе іске қосылды.

Оған сәйкес, белгілі бір деңгейдегі картаға ие болған оқырман неғұрлым кітапханаға жиі барып, оқыған туындылары жайлы әлеуметтік желіде көп бөліскен сайын картаның келесі түріне ие болады. Ал карта өзгерген сайын мегаполистегі кофеханалар мен дәмханалардан алатын жеңілдіктер көбейіп, театрға билет те алуға болады. Мысалы, White card (ақ карта) үлестірілді. Бұл картада кофеханаға 5 пайыз жеңілдік бар. Ал келесі деңгейдегі картаға ие болу үшін арнайы шарттарды орындау қажет.

– Біздің мақсатымыз – қала тұрғындарының кітап оқуға деген қызығушылығын арттыру, кітап оқуға шақыруға ынталандыру. Осыған орай акция өткізіп, арнайы карталарды таратып бердік. Ол карталар түрлі жеңілдіктер арқылы оқырмандарды кітапханаға жиі баруға ынталандырады. Жалпы, елімізде кітапхана ісін автоматтандыру бағытында бірнеше бағдарлама қолданылады. Біздің кітапханалар жүйесінде қазіргі таңда Rabis бағдарламасы қосылып, жұмыс істеуді бастадық. Бұл бағдарламада келген оқырмандардың саны, кітаптардың берілуі, жалпы, кітапхана қорына қатысты барлық мәлімет сақталады. Ал кітапханалардың карталарын кез келген жастағы оқырман ала алады, – дейді Абай атындағы орталықтандырылған көпшілік кітапханалар жүйесінің директоры Нұрила Жұманова.

Акция барысында Шымкент қалалық жастар ресурстық орталығының еріктілері мен кітапхана өкілдері қаланың орталық көшелері мен автобустарында, ірі сауда-сауық орталықтарында болып, қала тұрғындарына карталарды таратты. Осылайша кітапхана мамандары сатылап жоғарылау жүйесі арқылы оқырман қызығушылығын арттыруды жоспарлап отыр.

Страница 3 из 32