Оңтүстік Қазақстан облысы Шымкент қаласының Абай аудандық сотымен талапкер О.В. жауапкер О.К. ақшалай қаражатты өндіру туралы азаматтық ісі қаралды.
Талап арызда жауапкер талапкердің әжесі екенін, екі жыл бұрын ауызша келісім бойынша жылжымайтын мүлкін сыйға тартуға уәде еткенін негіздеген. Сондықтан, талапкер сол жылжымайтын мүлікке қатысты меншік құқығын иеленбей тұрып, өзінің қаражатына сол меншікте тұрғын үй құрылысын бастаған. Бірақ, тараптар тарапынан уақтылы тиісті мәміле рәсімделмеген. Сотта мәміленің рәсімделуі мен қаражаттың құрылысқа жұмсалғанын растайтын дәлелдемелер ұсынылмауына байланысты сот шешімімен талап арызды қанағаттандырудан бас тартылды.Сот шешімі заңды күшіне енбеген.
А.Мұстафина
