Компания мемлекеттік сатып алу конкурсының жеңімпазы болғанымен, тапсырыс беруші Тұран ауданымен әлі келісім шарт жасамаған. Соған қарамастан компания жұмысшылары бекітілмеген аумақта құрылысты бастап кеткен. Бұл әрекет қазір тұрғындарға қолайсыздық тудыруда.
Қала басшысының тапсырмасымен құрылыс шұғыл түрде тоқтатылып, компанияға қайта қалпына келтіру міндеттелді. Сонымен қатар «Әкiмшiлiк құқық бұзушылық туралы» Заңының (505-бап) «Қалалар мен елді мекендердің аумақтарын абаттандыру қағидаларын бұзу, сондай-ақ қалалар мен елді мекендердің инфрақұрлымы объектілерін бұзу» бойынша 40 АЕК айыппұл салынды.
Әкімдік тарапынан құрылыс жүргізуге жұмылдырылған мердігерлер арасында заңсыздықтардың алдын алу бойынша түсіндіру жұмыстары жүргізілуде.
Шымкент қаласы әкімінің баспасөз қызметі
