Шымкент келбеті

Шымкент қаласының денсаулық сақтау басқармасында сыбайлас жемқорлыққа қарсы іс-қимыл бойынша жол картасы бекітілген. Осы картаға сәйкес басқармаға қарасты шаруашылық жүргізу құқығындағы барлық мемлекеттік кәсіпорындарда комплаенс офицер қызметі құрылған. Бүгінде денсаулық сақтау ұйымдарында 28 комплаенс офицер тұрақты түрде жұмыс жүргізуде.

Шымкенттегі «Қаратау» дәстүрлі өнер мектебінде «Кітап live-2024» кітап оқу байқауының ақтық кезеңі өтті. Байқауға 300-ден астам оқушы қатысып, түрлі кезеңдерден іріктелген мықтылар финалда бас қосты. Талай жастың зейінін ашып, қазақ әдебиетімен сусындауына септігін тигізген байқауға қала әкімінің орынбасары Сәрсен Құранбек арнайы қатысып, оқушыларға сәттілік тіледі.

Биыл елімізде тұңғыш рет Аналар күні аталып өтті. Өткен жылы мерекелік күндер тізбесіне «Аналар күні» және «Әкелер күні» дейтін қос мереке енгізілген болатын. Осыған орай Аналар күні – мамырдың екінші жексенбісінде, ал Әкелер күні маусымның үшінші жексенбісінде мерекеленеді. Биылғы Аналар күні 12 мамырға тура келді.

Миллиондаған адамның өмірін қиған Ұлы Отан соғысының тарихында 900 күн мен түн қоршауда қалса да, жауға берілмеген Ленинград қаласы үшін болған шайқас пен Сталинград үшін ұрыстың мәні бөлек, маңызы ерек. Біз осынау сұрапыл соғыс, аяусыз айқас туралы тек мерзімді басылым, кітаптардан оқып, кинолардан ғана көріп өстік.

Қазіргі білім кеңістігін заманға сай ақпараттық технологияларсыз елестету мүмкін емес. Бүгінгі ұстаздардың алдында оқушыға білім, біліктілік дағдыларын игертіп қана қоймай, қабылдауын, ойлауын, ерік-жігерлерін, яғни өз бетімен жұмыс жасай білетін, бәсекеге қабілетті жеке тұлғаны дамыту міндеттері тұр.

Құрметті соғыс ардагерлері мен Отан қорғаушылар, Шымкент қаласының тұрғындары мен қонақтары!

Сіздерді 7 мамыр – Отан қорғаушылар күнімен және 9 мамыр – Ұлы Жеңіс күнімен шын жүректен құттықтаймын!
Қатар келген бұл қос мереке де мерейлі әрі қастерлі және бір-бірімен сабақтас. Отан қорғап, ел тыныштығын сақтау жолында аға ұрпақ пен жас ұрпақтың арасын жалғап жатқан отансүйгіштік, ерлік пен қаһармандық, ата-баба аманатына адалдық қасиеттері айтулы осы екі мейрамның маңызы мен мәнін тереңдете түседі.

Сегізінші шақырылымдағы Шымкент қаласы мәслихатының кезекті он алтыншы сессиясы өтті. Қала әкімі Ғабит Сыздықбеков қатысқан сессия отырысына әкім аппараты, аудан әкімдері, тиісті басқарма басшылары, БАҚ өкілдері қатысты. Сессияны мәслихат төрағасы Бахадыр Нарымбетов ашып, регламентке сәйкес күн тәртібіндегі мәселелерді қарады. Күн тәртібіне шығарылған мәселелер алдын-ала кестеге сәйкес, тұрақты комиссия мүшелері тарапынан қаралып, тиісті басқарма басшыларының есебі тыңдалды.