Қажымұқан атындағы орталық стадионда өрт сөндіру-құтқару спортынан ерлер мен әйелдер құрама командаларының арасында Қазақстан Республикасы кубогының VII турнирі басталды. Төрт күнге жоспарланған сайыста еліміздің өңірінен келген 13 ерлер және 12 әйелдер құрама командалары жүлделі орындарды сарапқа салады.

mamandik

Шымкентте жеңіл атлетика манежінде қазақ күресінен «Шымкент барысының» іріктеу турнирі өтті. Биылғы бәсекеде салмағы 90 келіден асатын, 25 балуан белдесті. Жақсы дәстүр биыл да жалғасын тапты. Сайыстың ұйымдастырылуы көпшіліктің көңілінен шықты. Қазақ батырлары тазы ертіп, саятшылық өнерін, ұлттық салт-дәстүрімізді паш етті. Балуандар кілемге беттейтін арнайы киіз үй тігілген. Оның бәрі де ұлттық салт-дәстүрімізді дәріптеу, қазақтың төл мәдениетін көрсетуді мақсат еткен.

kures

ТАРТЫСТЫ БӘСЕКЕ ӨТТІ

Среда, 12 Июнь 2024 06:18

IRFIN promotions промоутерлік компаниясы Шымкент қаласында халықаралық кәсіпқой бокс кешін ұйымдастырды. Көрме орталығында өткен сайыста жанкүйерлер кәсіпқой және әуесқой боксшылардың тартысты бәсекелерін тамашалады. Нұрдос Төлебай, Елшат Нығметолла сынды белгілі боксшылар қарсыластарынан басым түсті. Жалпы, бұл жолы 8 жекпе-жек жоспарланған-тын.

bokss-1

Қажылыққа шығарып салды

Среда, 12 Июнь 2024 06:10

Елімізде 2024 жылғы қажылық маусымы басталды. Шымкент қаласының әуежайынан ел азаматтарын Мекке-Медина қаласына қажылыққа шығарып салу іс-шарасы өтті. Шымкент қаласының бас имамы Бақдәулет Әбдірахманов қажылықтың мән-маңызын айтып, ниет етушілерге ақ жол тіледі.

kahiga

Шомылу маусымы қалай өтуде?

Пятница, 07 Июнь 2024 08:31

shomuly-mausymy

Шаһарда суға шомылу маусымы басталып кетті. Бұл ретте қауіпсіздік шаралары да күшейтілген. Қалалық ТЖД, құзырлы органдар тұрғындарға қауіпсіздік шараларын күшейтіп, ақпараттық-түсіндіру жұмыстарын жүргізуде. Қалада суда жаппай демалу, туризм және спорт үшін қала аумағында 5 ресми орын бекітілсе, оның ішінде 3 орында шомылуға рұқсат етілген. Қай орындарда шомылуға рұқсат, қай орындарда суға түсуге тыйым салынған? Жалпы биылғы шомылу маусымындағы атқарылар іс-шаралар, қауіпсіздік талаптары жөнінде бірқатар жағдайларды айта кетсек.

 

ЖАЗАТАЙЫМ ОҚИҒАЛАР ТІРКЕЛГЕН ЖОҚ

Шымкент қаласы ТЖД Азаматтық қорғаныс басқармасының бастығы   Нұржан Қаракөзевтің айтуынша, қаланың климаттық жағдайына байланысты сәуір айынан бастап судағы қауіпсіздікті сақтау бойынша профилактикалық жұмыстар атқарылуда. Бұл бағыттағы жұмыстар күнделікті, демалыс және мейрам күндері күшейтілген режимде жүргізіледі. Атап айтқанда, сәуір айынан бері судағы қауіпсіздікті сақтау бойынша 85 рейд ұйымдастырылып, оған жалпы 9652 адам қамтылған.

Биылғы шомылу маусымы кезінде Шымкент қаласының су айдындарында азаматтардың қауіпсіздігін қамтамасыз ету бойынша іс-шаралар қаулысы негізінде жоспар бекітілген. Қала аумағында шомылуға тыйым салынған 13 орын бар. Олар – Бадам, Қарасу, Сайрам су, Янгишек, Шымкент магистральды каналының қала аумағындағы барлық арналары, Қошқарата өзенінің бастауынан басқа арналары, Текесу, Ақжар су қоймасы, Қайнарбұлақ жасанды көлі, Азат, Көкбұлақ, Сасық каналы. Аталған орындарда 25-тен астам ескерту белгісі орнатылған.

ТЖД құзырлы мекемелермен бірлесе тыйым салынған орындарда тұрғындарға суда қауіпсіздік ережелерін сақтау бойынша ақпараттық-түсіндіру жұмыстарын жүргізуде. Бұл бағыттағы жұмыстар маусым бойы жалғасын табады.

Бұқаралық ақпарат құралдары және әлеуметтік желілерде, адамдар көп шоғырланатын орындарда LED экрандар арқылы «Судағы қауіпсіздік шаралары» бойынша бейнероликтер көрсетілуде. Атқарылған жұмыстардың нәтижесінде жыл басынан бері қаладағы су айдындарында жазатайым оқиғалар тіркелмеген.

ТЖД мәліметінше, 2024 жылы қаладағы су айдындарында азаматтардың қауіпсіздігін қамтамасыз ету және жазғы шомылу маусымын тиісті деңгейде өткізу мақсатында жергілікті полиция қызметкерлерімен рейд жүргізіп, шомылуға тыйым салынған орындарда қараусыз жүрген балалардың ата-аналарын жауапкершілікке тарту, су айдындарына тыйым салатын және ескерту қауіпсіздік белгілерін орнату, балаларды жүзуге үйретуді пысықтау жұмыстарын белсенді түрде жүзеге асыру жоспарланып отыр.

– Қазіргі уақытта су арналары, каналдардың қасында тұратын тұрғындарға үйме-үй кіріп, әрқайсысына брошюра таратып жатырмыз. Түсіндіру жұмыстарын жүргіземіз. Қала тұрғындары мен қонақтарының мобильді телефондарына жазғы шомылу маусымында 112 қызметі арқылы күнделікті ескерту хабарламалары жолданып отырады. Былтыр 13 орынға тыйым салынды. Егер биыл жаңадан кәсіп ашып, карьер қазғандар болса, су арналарын бұру жағдайлары орын алса, біз оларды комиссияда қарап, тыйым салу бойынша құзырлы мекемелерге ұсыныс беріледі. Тұрғындар мұндай жағдайды анықтаған болса, бізге хабарласу қажет, – дейді Нұржан Нұрханұлы.

Департаменттің мәліметінше, өткен жылы шомылу маусымында судағы қауіпсіздік ережелерін бұзу немесе орындамау бойынша 14 тұлғаға айыппұл салынып, 12 тұлғаға ескерту берілген.

 

СУҒА ТҮСУ ЕРЕЖЕЛЕРІН БІЛЕСІЗ БЕ?

Шаһарда қай орындарда шомылуға рұқсат етілген? ТЖД Азаматтық қорғаныс басқармасының бастығы Нұржан Қаракөзевтің мәліметінше, «Холодильник» және «Рахат Бадам» демалыс орындарымен қатар, Қошқарата өзенінің бастауында қала тұрғындары шомыла алады. Ал, спорт және туризмге арналған орындар – дендрологиялық саябақ пен Жайлаукөл. Мұнда шомылуға тыйым салынған.

Өткен жылы шомылу маусымында әлеуметтік осал топтағы отбасылардың балаларын суда жүзуге тегін үйрету жобасы іске асырылды. ТЖД қызметкерлері аудан әкімдіктерімен бірлесе 2300-ден астам баланы суда жүзуге үйретті. Биыл да 5 аудан әкімдігімен бірлесе бұл жұмыстар жалғасын табады. Қала аумағында орналасқан бассейн, демалыс орындарымен меморандум түзілген. 2024 жылы жалпы 3500-ден аса баланы жүзуге тегін үйрету жоспарлануда.

Статистикалық мәліметтерге сәйкес, балалардың суға кету оқиғаларының бірден-бір себебі жүзе білмеуінде екен. Сол себептен де бұл жобаның игілігі көп-ақ.

ТЖД қызметкерлері қала тұрғындары мен қонақтарын суда шомылу ережелерін есте сақтауға шақырды. Рұқсат етілген белгілері бар жерде ғана шомылу, бейтаныс жерге суға түспеу, жүзе алмайтындарға белден жоғары келетін жерден әрі қарай бармау, балаларды су маңайында қараусыз қалдырмау, суға масаң күйде түспеу және түнгі уақытта шомылмауды ескертеді.

taza-beisenbi

Amanat партиясы «Таза Қазақстан» жалпыұлттық акциясын қолдау мақсатында «Таза бейсенбі» тазалық іс-шарасын ұйымдастырды. Экоакцияға мәслихат депутаттары, партия қызметкерлері, зиялы қауым өкілдері, кәсіпкерлер және қала тұрғындары қатысты.

Алғашқы іс-шарада көпшілік Тұран ауданы, Құрсай елді мекені (А2 жолының бойы) аумағын қоқыстан тазартты. «Таза бейсенбі» акциясы еліміздің барлық аймағында, аудан орталықтардында, елді мекендерде өтуде.

Партияның Шымкент қалалық филиалының төрағасы Бахадыр Нарымбетов акцияның негізгі мақсатын түсіндірді.

– Партиямыз «Таза Қазақстан» акциясына жаңа екпін беруді мақсат етіп отыр. Бұл тазалық іс-шарасының тәрбиелік мәні зор. Жалпы айтқанда тазалық жұмыстарына жауапты арнайы қызметтер бар. Дегенмен, қаланың, елдімекендердің тазалығы адамдардың тәрбиесіне байланысты. Коммуналдық қызмет өкілдеріне жәрдем береміз десек, тазалықты өзімізден бастауымыз керек. Жүрегі, ниеті таза азаматтың айналасы да таза болады. Таза аумақта өмір сүрейік деген мақсатпен осы бастама қолға алынды. Акция одан әрі жалғасады, – дейді Б.Нарымбетов.

Сонымен қатар, іс-шарада «Шымкент спец комплекс» ЖШС және «Тұран» КММ қызметкерлері зираттарды тазалау, шөптерді ору жұмыстарын жүргізді. Жалпы 200-ден астам адам экоакцияға белсене қатысты.

Айта кетейік, «Таза бейсенбі» экологиялық акциясы аясында барлық өңірлерде алдын-ала елді мекендердің ластанған аумақтарының карталары жасалды. Әр бейсенбіде партияластар, белсенділер, мемлекеттік және үкіметтік емес ұйымдардың өкілдері осы аумақтарды қоқыстардан тазартуға шығады. Кейіннен әрбір ластанған аумаққа партияның бастауыш партия ұйымдары мен аудандық филиалдары бекітіледі. Олар ай сайын бекітілген учаскелерде тәртіп пен тазалықты сақтауды қамтамасыз етеді.

Шымкентте «Қасірет» мемориалында саяси қуғын-сүргін және ашаршылық құрбандарын еске алуға арналған іс-шара өтті. Іс-шара ана мен бала ескерткішіне тағзым етуден басталды.

narimbetov

3-4 маусымда еліміздің сейсмикалық қауіпті өңірлерінде «Жер-2024» республикалық командалық-штабтық оқу-жаттығуын өткізу жоспарланған. 3 маусым күні жергілікті уақытпен 16:00-де қала әкімдігінде жер сілкінісіне дайындық мәселелері бойынша оқу-жаттығу іс-шарасы өтті.

JerSil

Страница 2 из 85