150-ден астам Шымкент тұрғындары пәтерлерінің кілтін алды Избранное

Среда, 28 Июль 2021 10:34 Автор  Опубликовано в Қоғам Прочитано 1015 раз

Tamerlan-Residence 4

Бақытты тұрғындар Tamerlan Residence тұрғын кешенінің екінші кезегінен пәтер кілттерін алды. Жобаның құрылыс жұмыстары 2019 жылдың 2 тоқсанында басталған. Сол кезде BI Group Шымкент нарығына шыққанын хабарлаған. Осы қысқа мерзімде кешен қаланың нағыз сәулетті орталығына айналып үлгерген.

 

Ыңғайлы инфрақұрылым

Кешен екі кезектен тұрады. Үйлер 12 және 16 қабатты. Жақын жерде маңызды әкімшілік және мәдени нысандар орналасқан. Атап айтсақ, қалалық әкімшілік, драма театры, Назарбаев Зияткерлік мектебі, кітапхана, көрме орталығы, сауда орталығы, емхана және фитнес орталығы.

 

Бірегей аула және авторлық дизайн

Аула территориясы бірнеше аумаққа бөлінген. Белсенді демалыс пен спортпен айналысуға да, асықпай отырып көлеңкеде демалуға да ойластырылған. Тұрғындардың қауіпсіздігі үшін барлық жағдай жасалған: автокөліктер кірмейтін аула, тәулік бойы бейнебақылау. Ойын алаңы барлық жастағы балаларға арналып жасақталған. Панорамалық терезелерден қала көрінісі ашылады. Жасыл аула, жарасымды түстердің арқасында кешен маңы ерекше жайлы. Шымкентте тұңғыш рет тұрғын үй құрылысында ландшафт дизайны қолданылды, аулалар мен кіреберістер бірегей авторлық дизайнмен жасалған.

«Біз фасадқа тек жанбайтын материалдарды қолданамыз. Каркас монолитті темір бетоннан, қабырғалар газоблоктан жасалған. Терезелер металл пластикті, екі деңгейлі. Фасад травертин мен граниттен жасалған», - дейді жоба жетекшісі Ерлан Сүпеков.

 

Tamerlan Residence Шымкенттің жаңа архитектуралық келбетіне айналды

«Біздің Шымкенттегі алғашқы жобамыз өзіміз ойлағандай, жоспарлағандай сәнді және жайлы үй болды. Шымкенттіктердің сұранысына ие болуы – соның дәлелі. Tamerlan Residence – бұл 33 мың шаршы метр үйлер, офистар, екі деңгейлі жерасты паркингі. Соңғы кезең – сервис қызметінің үйді қабылдап алуы. Талаптары қатаң. Бұл сапаны бақылау департаменті мен клиенттермен жұмыс бойынша бөліммен бірлесіп жасалатын жұмыс. Мамандар үйді болашақ тұрғындардың барлық сұраныстарына сай болуына тексереді», - дейді Шымкенттегі жобалар директоры Арман Қабылқас.

Tamerlan Residence BI Group компаниясының Шымкент нарығындағы дебюті. Бүгінде компания тағы AlFarabi, Tumar, Dendropark тұрғын кешендерінің құрылысымен айналысуда. Олардың әрбірі қала сәулетінің ерекше келбетіне айналмақ.

Тұрғындарды құттықтаймыз!

Редакция

Қалалық «Шымкент келбеті» «Панорама Шымкента» газеттері 1990 жылдың 21 шілдесінен бастап шығады. Басылымның құрылтайшысы - Шымкент қаласы әкімдігі. Шығарушы - «Шымкент ақпарат орталығы» ЖШС-і. Директор – Бахтияр Тайжан. Қоғамдық-саяси газет облыс, қаланың тыныс-тіршілігін сипаттап, жаңалықтармен хабардар етеді.