Шымкент келбеті

Шымкент қаласында ҚР Ақпарат және қоғамдық даму министрлігінің тапсырысымен Қазақстандық қоғамдық даму институтының ұйымдастырумен «Ruh camp» көшпелі оқыту семинары өтті.

Шымкент қаласында ауыр жағдайда жедел жәрдем шақырған науқастарды сәтті реанимациялау көрсеткіші өте жоғары. Салыстырмалы түрде қарасақ, республика бойынша сәтті жансақтаудың орташа көрсеткіші 46 пайызды құрайтын болса, Шымкентте ауыр жағдайда жедел жәрдем шақырған 100 адамның 59-ы сәтті реанимацияланған. Мұны денсаулық сақтау саласындағы өте маңызды жетістік деуге болады.

ҚР Президенті Қасым-Жомарт Тоқаевтың «Халық үніне құлақ асатын мемлекет» тұжырымдамасының талаптарына сәйкес, бүгінде елімізде барлық деңгейдегі әкімдер мен олардың орынбасарларына тұрғындармен тығыз байланыста жұмыс істеу жүктелген.

Халқымызда «Тәні саудың – жаны сау» деген керемет сөз бар. Денсаулық – әрбір адамның асыл байлығы. Бүгінгі жастардың бұқаралық спортпен айналысу арқылы өз денсаулықтарын нығайтып, рухы мен ерік-жігерін шыңдап жатқанын көргенде дән риза боласың. Өйткені, спортпен айналысу арқылы олар өмірлеріне қауіп төндіретін зиянды әдеттерден аулақ болып, салауатты өмір салтын ұстануға бейімделеді.

Шымкентте Асанбай Асқаровтың туғанына 100 толуына орай тарихи тұлғаның ескерткішіне гүл шоқтарын қою рәсімі өтті. Еске алу шарасына Шымкент қаласы мен Түркістан облысының зиялы қауым өкілдері, еңбек ардагерлері мен марқұммен қызметтес болып, көзін көрген ізбасарлары қатысты. Іс-шара барысында Шымкент қаласының әкімі Мұрат Әйтенов сөз сөйлеп, қайраткердің еліміздің дамуына қосқан үлесі жайлы баяндады.

Шымкент қаласы Солтүстік саяжай тұрғын алабында сапалы электр желісі іске қосылды. Тұрғындардың қуанышымен бөлісуге Шымкент қаласының әкімі Мұрат Әйтенов келді.

Бүгінде Шымкент қаласында тұрғындарды таза ауыз су, сапалы электр қуаты және табиғи газбен қамту бағытында ауқымды жұмыс жүргізіліп жатыр. Инфрақұрылым желілерін жүргізу барысында, әсіресе, қаланың орталығынан шалғай орналасқан шеткі шағын аудандар мен тұрғын алаптарға басымдық беріліп отыр. Шымкент қаласының 2025 жылға дейінгі кешенді даму жоспарының аясында жүргізіліп жатқан бұл жұмыстардың уақтылы әрі сапалы орындалуын қала әкімі Мұрат Әйтенов жеке бақылауына алған.

Шымкент туризмін дамыту 4 бағытпен жүргізіліп жатыр

Туризм – әлемдегі ең қарқынды дамып келе жатқан индустриялардың бірі. Зерттеулер 2030 жылға қарай әлемде 1 миллиард 800 миллион адам өз елінің шекарасынан асып, шет мемлекеттерде демалу мен саяхаттауға шығатынын көрсетіп отыр. Қазірдің өзінде бұл сала бірқатар дамыған және алдыңғы қатарлы дамушы елдердің экономикасының негізгі тірегіне айналып, мол табыс әкеліп отырғанын көрудеміз.