Мүлікті заңдастырудың мүмкіндігі мол

Пятница, 11 Март 2016 05:58 Автор  Опубликовано в Экономика Прочитано 3229 раз

Биыл Абай ауданында мүлікті жария ету Заңына сәйкес, жалпы құны 1 миллиард 294 миллион теңге болатын 107 өтініш келіп түскен. Жалпы сомасы 756 миллион 500 мың теңгені құрайтын 55 мүлік жария етілген. Бұл туралы ОҚО Аймақтық коммуникациялар қызметінде өткен брифингте Абай ауданының әкімі А.Татыбаев мәлім етті.

img 4098Оның айтуынша, мүлікті жария ету науқаны басталғалы ауданда құны 8 миллиард 400 миллион теңгеден астам қаржыны құрайтын 602 мүлік заңдастырылған.
Сондай-ақ, баспасөз мәслихатында Еңбекші ауданының әкімі Ғ.Ильясов БАҚ өкілдеріне жыл басынан бері жалпы құны 489 миллион теңге болатын 45 өтініш келіп түскенін жеткізді. Ондағы 146 миллион теңге көлеміндегі 20 мүлік жария етілген. Жалпы, бұл ауданда мүлікті жария ету науқаны басталғалы құны 5 миллиард 111 миллион теңгеден астам 385 өтініш келіп түсіпті. Нәтижесінде, 290 өтінішке мүлікті жария ету туралы шешім шығарылып, заңдастырылған.
Қаратау ауданының әкімі Ғ.Исмаиловтың мәліметінше, өткен жылы мүлікті жария етуді өткізу жөніндегі комиссияға құны 5 млрд 600 млн теңгеден асатын 514 өтініш келіп түсіп, оның 391-не (4 млрд 107 млн теңге) мүлікті жария етуге шешім шығарылған. Заңдастырылған мүліктердің 95 пайызы тұрғын үйлер болса, қалғаны коммерциялық нысандар. Мүлікті заңдастыру аясында 2016 жылдың басынан бері құны 1 млрд 215 млн теңге болатын 162 өтініш түсті. Оның 161-і тұрғын үй болса, 1-уі коммерциялық нысан. Мүлікті жария етуді өткізу жөніндегі комиссия құны 571 млн теңгеден астам соманы құрайтын 87 өтінішті (тұрғын үйлер) жария етуге шешім шығарды. 27 өтініштің мүліктері заң аясында жария етуден бас тартылса, қалған 48 өтініш қаралуда.
Ал Әл-Фараби ауданына мүлікті жария ету аясында 2014-2016 жылдар аралығында құны 3 млрд 497 млн теңге болатын 179 өтініш түсіп, оның 107 (құны – 1 млрд 250 млн теңге) өтініші комиссия шешімімен жария етілген. Қазір 17 өтінішті комиссия қарап жатыр.
Айта кетейік, 2014 жылдың 1 қыркүйегінен бастап қолданысқа енген «ҚР азаматтарына, оралмандарға және Қазақстан Республикасында тұруға ықтиярхаты бар адамдарға олардың мүлікті жария етуіне байланысты рақымшылық жасау туралы» Заңы 2016 жылдың 31 желтоқсанына дейін жалғасады.

Эльмира МЫҚТЫБАЕВА

2001 жылдан бастап журналист болып жұмыс істейді.  Бұған дейін "Сайрам ақшамы", "Отырар" телеарналары мен "Юмакс" радиосында жұмыс істеген. 2012 жылдан бастап қалалық "Шымкент келбеті" газетінің тілшіcі.