Шымкент келбеті

Астанада халық саны 1,5 миллионға жетті. Бұл ресми мәліметті Ұлттық статистика бюросы жариялады. 2024 жылдың 1 маусымдағы көрсеткішке сәйкес, бас шаһар Астанада 1 464 415 адам тұрады. Ширек ғасырдан астам уақытта жаңа елорда жалпыұлттық идея мәртебесіне ие болып, жас мемлекеттің тәуелсіздігінің символына және жаhандық табысына айналды. Биыл елордамыз Астана қаласы 26 жылдығын тойлауда. Елорда – еліміздің динамикалық дамып келе жатқан жаңаруының, тәуелсіз республикамыздың нышаны.

Шымкентте футболдан 19 жасқа дейінгі әйелдер арасындағы «Zhuldyz Summer Cup» халықаралық турнирі мәресіне жетті. Жарыс Қазақстан футбол федерациясының ұйымдастыруымен және УЕФА бағдарламасы аясында өтті.

Шымкентте транспорт саласында оң өзгерістер көп. Қазір қаланың орталық (Бәйдібек би, Рысқұлов) көшелерінің бойында 200 аялдамаға атаулары жазылған тақтайшалар ілініп жатыр. Ал, биылғы 3-тоқсанда 898 жаңа аялдама павильондары орнатылмақ. Шымкент қаласының жолаушылар көлігі және автомобиль жолдары басқармасының басшысы Ролан Ибрагимов жыл басынан бері қалада жол құрылысы, қоғамдық көлік қызметін дамыту, аялдамалар орнату, жалпы көлік саласын дамытуда атқарылған жұмыстарды жүйелеп айтып берді.

«АССАМБЛЕЯ. ПАРЛАМЕНТ. МӘСЛИХАТТАР» қоғамдық жобасы аясында Шымкент қалалық ҚХА мүшелері мен мәслихат депутаттары Сайрам тұрғын алабының тұрғындарымен кездесті. Жиынға Шымкент қалалық мәслихаты депутаттары, басқарма басшылары, құқық қорғау органдары өкілдері қатысты.

Шымкентте конгресс холл ашылды. «Tulip Hall» ғимаратында алғаш рет Қала күніне арналған салтанатты іс-шара өтті. Жиынға қала әкімі Ғабит Сыздықбеков, қалалық мәслихаттың төрағасы Бахадыр Нарымбетов, зиялы қауым өкілдері, қала тұрғындары қатысты.

Шымкентте Қала күніне орай көркем гимнастикадан Қаратау ауданы әкімінің кубогы бәсекесі өтті. Кезекті рет ұйымдастырылған турнирге 8-14 жас аралығындағы 100-ден астам жас спортшы қатысты. Сайысты өткізудегі басты мақсат – осы тамаша спорттың барлық қырларын көрсету, саламатты өмір салтын насихаттау, жастардың бос уақытын тиімді пайдалану.

Еңбекші ауданындағы Жібек жолы – Сайрам көшелері қиылысында тағы бір жаңа гүлзар ашылып, пайдалануға берілді. Бұл жерде тұрғындарға барлық қолайлы жағдай жасалған. Қала әкімі Ғабит Сыздықбеков жаңа гүлзардың ашылуына қатысып, тұрғындармен кездесті.

ҚР Экология және табиғи ресурстар вице-министрі Нұркен Шәрбиев Шымкент қаласына жұмыс сапары аясында қала тұрғындарымен, ҮЕҰ және қоғам өкілдерімен кездесті. М.Әуезов атындағы ОҚУ-да өткен жиында азаматтардың мәселелерін тыңдап, сауалдарына жауап берді. Орман шаруашылығы саласында Президенттің елді мекендерге 15 млн. ағаш отырғызу бастамасы аясында өткен жылы 200 мың ағаш отырғызылғантын. Биыл қалада 121 мың түп тал егу жоспарлануда. Вице-министр қалада экологиялық ахуалды жақсарту бағытындағы іс-шараларды оң бағалады.