Бүгінде облыс аумағында жеті инва-такси болса, жекелеген 24 әлеуметтік такси өз қызметін атқарып отыр. Жаяу жүргіншілер жолағынан өте алмайтын мүмкіндігі шектеулі азаматтар үшін қала әкімінің тікелей қадағалауымен Т. Рысқұлов даңғылындағы жаңадан салынған жолүсті өткелінде арнайы мүгедектерге арналған жеделсаты орнатылды.
Алдағы уақытта қала тұрғындары жиі жүріп-тұратын жол бөліктерінде мұндай құрылғыларды орнату жоспарланып отыр. Қала әкімдігінде өткен жиында шаһар басшысы Ғ. Әбдірахымов әкімдік қызметкерлеріне арыз-шағым жиі түсетін мекен-жайларға барып, тұрғындардың талап-тілектері бойынша тиісті жұмыстарды қолға алу қажеттігі жөнінде тапсырма берді.