Шымкент келбеті

Күн жылынса, қала тұрғындарының саябақ пен гүлзарларда серуен құруға асығатыны анық. Ал, олар қауіпсіздікке қаншалықты көңіл бөледі? Көгал шөпте кенеден қорғанып жүр ме?
Шымкент қаласы — Конго-қырым геморрагиялық қызбасының табиғи ошағы орналасқан аумақтардың бірі. Бұл аурудың тасымалдаушысы — қарапайым кене.

Ойын алаңшаларын сырлады

Шымкентте «Таза Қазақстан» республикалық акциясының үшінші — «Жасыл аймақ» апталығы қарқынды жұмыстармен жалғасын тапты.
Қаратау ауданына қарасты «Тұран-1» шағынауданында өткен акцияға Жастар ресурстық орталығының жастары, Шымкент қалалық опера және балет театрының қызметкерлері, Қаратау аудандық коммуналдық мекемесі, тұрғындар, мектеп оқушылары атсалысып, жалпы 100- ге жуық адам көпқабатты үйлердің аулаларында тазалық жұмыстарын жүргізіп, көшеттер егіп, балалар ойын алаңшаларын сырлады.
Аудан әкімінің орынбасары Азамат Пармановтың айтуынша, бұл күні Қаратау аудандық коммуналдық мекемесінің жұмысшылары шөп орып, ағаш бұталарын қырқып, ретке келтірді. 20-ға жуық техника жұмылдырылған.

Шымкент қалалық Әзіл-сықақ және сатира театры ғимаратында «Әділ билер» және «Әділ аналар» бірлестіктері есеп берді. Жиынға еліміздің түкпір-түкпірінен билер мен асыл аналар қатысты.

Мемлекет басшысы жаңа заңға қол қойды. Заң тұрмыстық зорлық-зомбылыққа қарсы жазаны күшейтпек. Енді отбасындағы ұрып-соғу жағдайлары Қылмыстық Кодекспен қаралады. Құжатқа сәйкес, денсаулыққа қасақана, ауыр не орташа зиян келтіруге қатысты жауапкершілік қатаңдатылды. Суицидке итермелегендер үшін де қылмыстық жауапкершілік енгізілді.
16 жасқа толмағандарға зорлық-зомбылық көрсеткендерге де бас бостандығынан айыру жазасы қарастырылған.

Шымкентте Әл-Фараби атындағы қалалық ғылыми-әмбебап кітапханада 23 сәуір – Дүниежүзілік кітап және авторлық құқықты қорғау күніне орай «Кітап оқу – озық ойлы ұлт болу» тақырыбында әдеби кеш өтті. Іс-шараға түрлі салада қызмет ететін кітапсүйер қауым жиналды.

Шымкентте студенттер тегін профилактикалық тексеруден өтуде. Студенттік емхана мамандары «Денсаулығыңды бағала» акциясы аясында қаладағы орта және жоғарғы оқу орындарының студенттерін дәрігерлік тексеруден өткізіп, қажет болған жағдайда ем-шаралар тағайындауда. Бұл үрдіс аурудың алуға, дені сау ұрпақ тәрбиелеуге жол ашады дейді мамандар.

23 сәуір – Дүниежүзілік кітап және авторлық құқықты қорғау күніне орай кәсіпкер, жазушы Данияр Беркімбаевтың «Нар тәуекел» кітабының таныстырылымы өтті.
Мәдени іс-шара «AMANAT» партиясы Шымкент қалалық филиалының ғимаратында орналасқан кітапханада өтті. Кітаптың таныстырылымына мектеп оқушылары, колледж студенттері, кітапсүйер қауым қатысты.

Жыл сайын 23 сәуірде әлемнің 100-ден астам елінде Дүниежүзілік кітап және авторлық құқық күні атап өтіледі. Шымкент қалалық жасөспірімдер кітапханасы осы айтулы күнге орай әдеби автобус ұйымдастырды. Мұндағы мақсат – Президентіміздің Ұлттық құрылтайдың 3-ші отырысында көтерген кітап оқу мәдениетін қоғамда барынша орнықтыру керек деген өзекті ойына үн қосу.