Осы тапсырмалардың аясында партияның Шымкент қалалық филиалы қалалық мәслихат депутаттарының қатысуымен 2016 жылы өткізілетін акциялардың, ашық есік және бірыңғай қоғамдық қабылдау күндерінің жұмыс жоспарын бекіткен болатын.
Осыған орай, Шымкент қалалық мәслихатының хатшысы Нұрлан Бекназаров пен Шымкент қалалық мәслихатының депутаты, мәслихаттағы «Нұр Отан» партиясы фракциясының жетекшісі Бекайдар Төлегенов партияның Шымкент қалалық филиалындағы қоғамдық қабылдау бөлмесінде қала тұрғындарымен кездесу өткізді. Кездесу барысында қала тұрғындары өздерін толғандырған мәселелерді жеткізді. Алимент өндіруден туындаған дау-дамай, жұмыссыздық, көпқабатты үйлердің аулаларындағы балалар ойын алаңшаларының тозығы жетуі, қураған ағаштарды қырқу мәселесін көтерген тұрғындар проблемасы алдағы күндері оң шешілетін болды.
Р. АЙЫМБЕТ
