Жастар ресурстық орталығында «SHYMKENT NOMAD FILM FEST» қысқаметражды фильмдер фестивалі өтті. Шымкент қаласының әкімі Мұрат Әйтеновтің атынан жүрекжарды құттықтау тілегін жеткізген қала әкімінің бірінші орынбасары Шыңғыс Мұқан мұндай фестиваль мегаполис киноиндустриясын дамытып, жас таланттардың танылуына септігін тигізетінін жеткізді.
М.Өтебаев атындағы жоғары жаңа технологиялар колледжінде қазақтың арда азаматтарының есімі ұлықталды. Ел басқаруда өнегелі қолтаңбасы, өрелі ісі қалған Д.Қонаевтың 110 жылдығы мен А.Асқаровтың 100 жылдығына орай оқу ордасында арнайы бұрыш ашылды. Іс-шара «Ауыл» ХДПП Шымкент қаласы бойынша өңірлік филиалы мен білім ордасының бастамасымен ұйымдастырылған.
«Қазақстан халқы Ассамблеясы» ғимаратында «Мәдениетті ана – мәдениетті ұлт» республикалық жобасының аясында «Ұлттық киім – ұрпаққа мұра» фестивалі өтті.
Әдет-ғұрып және салт-дәстүр орталығының ұйымдастыруымен «Shymqala» этноауылында «Қымызмұрындық» этно-фестивалі өтті. Жиында қымызмұрындық дәстүрі жаңғырды.
Қалалық Абай атындағы орталық кітапханада ақын, журналист, сатирик Нұрқасым Омарбековтің 65 жылдық мерейтойына орай «Сырдан шыққан бір сүлей» тақырыбында кездесу кеші өтті.
Қаратау ауданы әкімі аппаратының ұйымдастыруымен «Балалар жылы» аясында «Шын ниетпен» қайырымдылық акциясы өтті. Іс-шара «Асыл-ай» мүмкіндігі шектеулі жандардың қоғамдық бірлестігі орталығында өтіп, аудан әкімі Р. Мүлкеманов бүлдіршіндерді құттықтап, сый-сыяпаттарын табыстады.
Шымкент қаласында белгілі режиссер Ақан Сатаевтың «Ұлы дала таңы» атты тарихи-көркем фильмінің тұсаукесері өтті.
«Дәстүрлі ән-жыр мектебінің өз орталығы болу керек. Ол «Рухани жауһарлар» деген атаумен аталса». Шымкентте өткен республикалық дәстүрлі әншілер мен термешілердің байқауында қазылық еткен өнер майталмандары Әл-Фараби атындағы қалалық ғылыми-әмбебап кітапханасында қазақтың дәстүрлі өнерінің келешегі тақырыбында ұйымдастырылған «дөңгелек үстел» отырысында осындай ұйғарымға келді.
Кеше «Астана Опера» мемлекеттік опера және балет театрының Шымкенттегі гастрольдік сапары басталды. Театр ұжымы, әуелі, жергілікті БАҚ өкілдерімен жүздесіп, сапар барысымен таныстырды.
Шымкент қаласының Түркістан сарайында «Рухани жауһарлар» атты республикалық дәстүрлі әншілер мен термешілердің байқауы басталды. Конкурстың салтанатты ашылуына қала әкімінің бірінші орынбасары Шыңғыс Мұқан қатысып, құттықтау сөз сөйледі.