Марафонда алты қашықтық ұсынылған. Қатысушылар жас ерекшеліктеріне қарай жеті санатқа бөлініп жүгіреді. 2018 жылы алғаш рет 42,195 шақырымдық қашықтық енгізілді. 2022 жылы марафон жолы алғаш рет қаланың орталық көшелерімен салынды.
Марафонның көптеген серіктестері, демеушілері мен еріктілері бар. Біз бүгін қатысушыларға қосымша білікті медициналық көмек көрсете отырып, ұйымдастырушыларға жарысты сәтті өткізуге көмектесетін екі компанияны атап өткіміз келеді. Бұл «Шымкент жүрек орталығы» КЕАҚ және ZERDE дәріханалар желісі.
«Шымкент жүрек орталығының» қызметкерлері марафонды маман ретінде ғана емес, белсенді түрде қолдайды. Өздері де жүгіруге қатысады. Және бұл кездейсоқ емес. Жүгіру инфаркт қаупін 30%-ға төмендетеді. Көктемде көптеген адамдар гиподинамиядан құтылу үшін жүгіру туралы ойластырады. Алайда, кардиологтар жүгіруге шықпас бұрын жүрек-қан тамырлары жүйесін толық тексеруден өткізуді ұсынады.
Ал, ZERDE дәріханалар желісінің фармацевтері жүгірушіге белдік сөмкесіне сиятын шағын ғана дәріхана жинағын ұсынады. Жинақта жарақатты зарарсыздандыратын, ауырсынуды басатын ең қажетті дәрі-дәрмектер бар. Аллергиямен ауыратындарға антигистаминді өздерімен бірге алып жүру ұсынылады. Егер қысымыңыз нормадан ауытқып кетсе немесе температура көтерілсе, онда жүгіруді тоқтатқан дұрыс.
Есіңізде болсын, жарыс кезінде туындаған мәселелерді шешу үшін сіз маршруттың төрт стационарлық медициналық нүктесінде кәсіби кардиологтардан көмек сұрай аласыз. Royal Club Fitness & Spa және Kasiet клубтарының қызметкерлері, медицина қызметкерлері мен ОҚМА-ның студенттері, сондай-ақ Staff Shymkent еріктілері сізге жарыстың бүкіл жолында көмектеседі.
Галина ХАН
