Шымкент келбеті

«Түркістан» сарайында Мұғалімдер күніне арналған мерекелік іс-шара өтті. Салтанатты жиында қала әкімі білім саласының үздік қызметкерлерін құттықтап, алғыс хаттармен марапаттады. Мегаполис басшысы өз сөзінде педагог ең алдымен, беделді маман, қызметі жоғары және жауапты миссия екеніне тоқталды.

Шымкент қаласының әкімі Ғабит Сыздықбеков қаламызға арнайы жұмыс сапарымен келген Малайзияның Қазақстандағы төтенше және өкілетті елшісі Мохд Адли Бин Абдулламен кездесті.Бұл жөнінде шаһар басшысы өзінің әлеуметтік желідегі парақшасында хабарлады.

Шымкент қаласының әкімі Ғабит Сыздықбеков Еңбекші ауданы, Маятас тұрғын алабында Бадам өзенінің жағалауын бекіту жұмыстарымен танысты. Жалпы, жағалаудың екі жағынан бекітілетін аумақтың ұзындығы 18 шақырым. Бұл аудандағы жұмыс толық аяқталған. Ал, Абай ауданындағы бөлігі ағымдағы жылдың соңына дейін аяқталады деп жоспарланып отыр.

Шымкент қаласы №2 медициналық оңалту орталығында сал ауруына шалдыққан балаларды оңалту емдері нәтижесін беруде. Церебралды сал ауруы мен тірек-қимыл жүйесі зақымдалған балалар алғашқы қадамдарын жасап, өздері жүріп – тұра алады.

Халықтың қолайлы жағдайда өмір сүруі үшін аудандардағы инфрақұрылым бір жолға қойылуы керек. Өйткені ол – экономиканың негізгі тетіктерінің бірі. Инфрақұрылымды арттыру үшін өңірде ауқымды шаралар қабылданып, қарқынды жұмыс жүргізіліп келеді. Атап айтқанда, қазіргі таңда Абай ауданындағы елді-мекендерде табиғи газ 85 пайызға шешілген. Бұл туралы өңірлік коммуникациялар алыңында Абай ауданының әкімі Шәкір Сұлтанхан айтты.

оқушыларды ұлттық құндылықтарды бойына сіңірген адал азамат етіп шығаруды көздейді

Бүгінде әлеуметтік желідегі «Бұрымды қыз» челленджіне тамсанып, сүйсініп қарайтын болдық. Өйткені, жасөспірім қыз балалардың арасында шаш өсірудің орнына оны қысқа етіп қиып, түрлі-түсті бояуларға бояп алатындарды көріп жүрміз ғой. Бұрымдарын қос өрім етіп өріп, құрбыларына шаш өсіруге кеңес берген қыздардың арасынан Шымкент қаласындағы білім ұяларының оқушыларын кездестіріп қуандық. «Мұның барлығы «Біртұтас тәрбие бағдарламасы» шеңберінде берілген тапсырмалардың негізінде жасалып жатқан оңтайлы өзгерістер»-дейді Жарқынай Арысбаева бізбен әңгімесінде.

Ұстаз ұғымы адамзат үшін қашан да қасиетті, қадірлі. «Ұстаздан тәрбие алған» немесе «ұстаз алдын көрген» деген сөздердің мәнісі «ана тәрбиесін алған» деген сөздермен ұштасып жатады.

Қазір қоғамда қыз тәрбиесі өте өзекті мәселеге айналды. Қыз арқылы ұлт тәрбиеленеді дейтін ата дәстүрі бүгінде кенжелеп қалған. Әр үйдің сыры басқа болғанымен, қазақилықтың иісі ұлттың болмысында аңқып тұруы тиіс. Әйтпегенде, күн өткен сайын шетелдік сарындағы кейбір әдеттер бала бойына сіңіп кеткен. Ал, бұған себеп тағы да отбасындағы құндылықтардың орынының ауысуы немесе жойылуынан деп білеміз.