«ҚазҚұрылысСервис» – жаһандық қатысуымен жобалау, сатып алу және құрылыс жөніндегі технологиялық компания. Мұнай-газ, инфрақұрылым және өнеркәсіптік секторлар саласындағы тәжірибелі компания филиалын қазіргі уақытта бетоншы, ағаш ұстасы, дәнекерлеуші, тас қалаушы және т.б. құрылыс-монтаждаушылар қажет.
Осыған орай жұмыспен қамту және әлеуметтік қорғау басқармасының өкілдері филиал басшысымен кездесіп, «Еңбек» мемлекеттік бағдарламасының «Жастар практикасы», «Әлеуметтік жұмыс орындары» және «Алғашқы жұмыс орны» бағыттарымен таныстырды.
Мемлекеттік бағдарламаның жұмыспен қамту бағыттарына қызығушылық танытқан компания өкілдері алдағы уақытта 200-ден аса жұмыссыз азаматты өңірдегі құрылыс жұмыстарына және ресейлік филиалға 18 жастан 60-жасқа дейін 1000-ға жуық азаматты вахталық әдіспен тартуға келіссөз жүргізді.