Аталған шарада қала тұрғындары мен қонақтарына өз баспанасына қол жеткізудің тиімді жолдары таныстырылады. Атап айтқанда, еліміздегі жылжымайтын мүлік нарығында жұмыс істеп жатқан ірі құрылыс компаниялары тұрғын үй сатып алуға ниетті азаматтарға бірқатар жеңілдіктер ұсынады. Сонымен қатар мемлекеттік бағдарлама аясында несиелік баспанаға қол жеткізудің бағыттары мен шарттары кеңінен түсіндірілмек.
Шымкент соңғы жылдары тұрғын үй құрылысы бойынша алдыңғы орындардың біріне көтерілді. Шаһар республикалық маңызға ие қала мәртебесін алған 5 жылдың ішінде 3 миллирн 700 мың тұрғын үй салынған болса, оның 2 миллионы соңғы 2 жылда пайдалануға беріліпті. Қала әкімдігінің мәліметіне сәйкес, биыл жыл басынан бері қарай мемлекеттік бағдарламалар арқылы 4 445 отбасы баспаналы болған. Жергілікті билік алдағы уақытта жыл сайын пайдалануға берілетін тұрғын үй көлемін 2 миллион шаршы метрге жеткізуді көздеп отыр.
