Шымкент келбеті

Абай күні мерекесіне арналған “Абай әлемі” қалалық байқауының қорытындысы шығарылды. Шымкент қалалық мәдениет, тілдерді дамыту және архивтер басқармасының Абай атындағы орталықтандырылған көпшілік кітапханалар жүйесі әлеуметтік желідегі байқауды биыл екінші жыл қатарынан ұйымдастырды.

Шымкент қаласында «Мектепке жол» республикалық қайырымдылық акциясын ұйымдастыру бойынша іс-шаралар жоспары бекітілген. Қалалық білім басқармасының мәліметінше, 2024 жылы 56 183 балаға көмек көрсетіледі. Жоспарланған қаржы көлемі – 2 400,9 млн.тенге (әр балаға 43 500 теңге). Жоспарға сәйкес, 2024 жылдың 10 тамызына дейін 30 мыңға жуық балаға қаржы аудару жоспарланған. Жалпы 20 тамызға дейін барлық қаржы игерілмек.

12-тамыз - Халықаралық жастар күніне орай ерекше балалар арасында жаңа ArmBack спорт түрінен сайыс өтті. Республикалық фестивальге Алматы, Ақтау, Петропавл, Атырау, Семей, Өскемен қалаларынан қатысушылар келген.

Бұл жолы бұйырғаны – 1 күміс пен 1 қола. Қазақ елі боксшылары Париж олимпиадасын осындай нәтижемен аяқтады. Әлем чемпионы Нұрбек Оралбай финалда украиналық қарсыласына есе жіберді. Былтыр әлем чемпионатында топ жарған отандасымыз Олимпиада ойындарының финалына дейін жетті. Ал 50 келіде сынға түскен Назым Қызайбай бұл жолы қола жүлде жеңіп алды. Осылайша, қос боксшы өзі қатысқан алғашқы Олимпиадасында үздіктер қатарына еніп отыр.

ҚМДБ 2024 жылды «Ислам және дәстүр құндылығы» жылы деп жариялаған еді. Осы орайда жыл басынан бері көптеген игі істер атқарылуда. Соның бірі «Бабалар ізімен қазақ даласындағы мұсылмандық мектеп» кітабының жарыққа шығуы дер едік. Құнды кітаптың тұсаукесері Астана, Алматы қаласында ұйымдастырылған болатын. Қаладағы Әл-Фараби кітапханасында жаңа кітаптың тұсаукесер рәсімі өтті.

сол кеште Сіз алаңсыз серуендесін деп мемлекет миллиардтардың жұмысын атқаруда

Шымкентте жаздың аптап ыстығы әзірге басыла қойған жоқ. Бірақ, шілде айындағыдай емес, түнге қарай салқын түсетінін байқап жүрміз. Қас қарая берген кезде қапырықтың беті қайтып, салқын леп біліне бастайды. Тамыздың осындай тамылжыған кештерінде шырайлы Шымкенттің жасыл желекке оранған саябақтарында отбасыңмен немесе құрбы-құрдастарыңмен бірге серуендеген қандай керемет десеңізші?! Күні бойы аптап ыстықтан қашып, кеңсесі мен үйіне тығылған қала тұрғындары кешқұрым шырайлы шаһардағы саябақтар, гүлзарлар мен аллеяларға қарай ағылады.

Парижде өтіп жатқан жазғы Олимпиада ойындары соңына таяп келеді. Ел қоржынында әзірге 1 алтын, 1 күміс, 2 қола жүлде. Бұған дейін дзюдошылардың тарихи жеңісін жазған едік. 3 тамыз күні ел қоржынына тағы бір тарихи жүлде түсті. Спорттық гимнастикадағы тұтқалы ат жаттығуы бойынша Нариман Курбанов 15.433 ұпайымен күміс жүлдеге иелік етті. Бұл сында алтын медальді ирландиялық Риз Макленаген, қола медальді америкалық Штефан Недорочек еншіледі. Тәуелсіздік тарихында тұңғыш рет біздің еліміз спорттық гимнастикадан Олимпиада жүлдесіне қол жеткізді.

Шымкент қаласында елді мекендерді сапалы интернетпен қамтамасыз ету жұмыстары жоспарға сай жүргізілуде. Қалалық цифрландыру басқармасының қолдауымен жеке инвестор FISHNET компаниясы тарапынан бүгінде Самал-2, Наурыз шағынаудандары талшықты оптикалық интернет желісімен қамтылды.