Шымкент келбеті

Шымкент қаласының ішкі саясат және жастар істері жөніндегі басқармасының Жастар ресурстық орталығының ұйымдастыруымен «Ұлт тірегі – Отбасы» тақырыбы аясында Ө.Жәнібеков атындағы педагогикалық университеттің жастарымен кездесу іс-шарасы өтті. Кездесуге Шымкент қаласының әкімдігі жанындағы әйелдер істері және отбасылық-демографиялық саясат жөніндегі комиссия мүшелері қатысты.

Шымкент қаласының әкімі Ғабит Сыздықбеков қаланы кезекті аралау барысында бірқатар нысандарда болып, жұмыс барысын бақылады. Ең алдымен, шаһар басшысы Шымкент Сити шағынауданындағы жол құрылысын, А-2 автомобиль жолын қайта құру және Изенді көшесіндегі күрделі жөндеу жұмысын, сондай-ақ, Жандосов көшесінің Сасбұқаев пен Адырбеков көшесі аралығында атқарылып жатқан жұмыстарын тексерді.

Жыл басынан бері есірткі заттарының заңсыз айналымына қатысты қылмыс жасаған 397 адам анықталған. Олардың басым көпшілігі 21-29 жас аралығындағы жастар. Бұл жөнінде қала прокуратурасының бастамасымен өткен брифингте айтылды.

Шымкент қаласының әкімі Ғабит Сыздықбековтің төрағалығымен құқық бұзушылықтың алдын алу және сыбайлас жемқорлыққа қарсы іс-қимыл жөніндегі ведомствоаралық комиссияның отырысы өтті.

он тоғыз жас актер Шымкенттің мәдени өміріне серпіліс сыйламақ

«Тарихы терең, орны бөлек Шанин театры, жалпы Шымкент қаласы бізді құшағын жая қарсы алды. Бізді осында жібергенде қобалжысақ та, қатты қуандық. Өйткені, академиядағы сабақ бір бөлек, театр сахнасы бір бөлек. Үлкен сахнада, танымал, үлкен аға-апалармен бір сахнада тәжірибе жинау біз үшін үлкен мектеп болғалы тұр. Театр – адамның таным айнасының кеңейіп, тілдік және рухани дамуына пайдалы аудитория. Қазіргі қоғамда көкейде жүрген сұрақ – қазіргі жастар театрға қызыға ма? Көпшілікті алаңдататын сұрақ. Бірақ, біздің осы мамандықты таңдап, өнер өлкесінде өз ізімізді қалдырсақ, ұстаздарымыздың үмітін ақтасақ деген арман-мақсатымыз бар. Біз өзімізбен қатар басқа да жастарды театрға шақыра алсақ, театрға қызығушылығын арттыра алсақ, ол да біздің үлкен жетістігіміз болмақ» дейді жастар.

Театр – шын мәнінде өмір айнасы. Яғни, театрда өнер адамдары өмірдегі шынайы көріністерді, дәлірек айтқанда, өмірдің өзін сомдайды. Қай жаста болсын, театрға келу арқылы әр адам өзін басқа бір қырынан тануға, өмірден оқшау еместігін, оның біртұтастығын түсінуге, қоғамның бір бөлшегі екенін ұғынуға мүмкіндік алады.

Тоқсаныншы жылдарға дейін ел арасында қазіргідей ұялы байланыс пен интернет болған жоқ. Есесіне пошта қызметі дүркіреп тұрған еді. Кез-келген сәлем-сауқат, амандық сұрасқан хаттар легі дәл осы пошта арқылы жеткізілген. Бүгінде сала мамандары тек қана әртүрлі заттарды жеткізумен шектелмейді, қызмет түрін заман талабына сай жасақтаған. Осынау жауапты қызметті абыроймен атқарып жүрген пошташылардың кәсіби мерекесі жазылушылар күнімен қатар тойланды.

немесе италияндық инвесторлар шымкенттік бизнесмендермен серіктестікке дайын

Мемлекет басшысы Қасым-Жомарт Тоқаев биылғы Жолдауында «Экономикаға салынған тікелей инвестиция көлемін азайтып алмау үшін осы бағыттағы жұмысты күшейту керек» деп айтқан болатын. Президенттің осы тапсырмасын орындау жолында Шымкент қаласының әкімдігі ауқымды жұмыстар атқарып жатыр. Бұған дейін қытайлық және түркиялық инвесторлардың қатысуымен ірі инвестициялық жобалар іске асырыла бастағанын хабарлаған едік. Енді Шымкентке инвестиция құйып, өнеркәсіпті дамытуға Италиядан келген инвесторлар қызығушылық танытып отыр. Міне, осылайша Шымкенттің әртүрлі шет мемлекеттермен экономикалық ынтымақтастығының көкжиегі кеңейіп келеді.

Ұстаз болу аса жауапты міндет. Алғаш қалам ұстатып, әріп танытқан, жаңа өмірге жетелеп, болашаққа қадам бастырған ұстаздарымыз бәріміздің де есімізде.