Шымкент келбеті

Мемлекеттік мереке – ҚР Тұңғыш Президенті күніне байланысты 1 желтоқсан күні Шымкенттік ХҚО-лары мен мамандандырылған ХҚО-лары жұмыс істемейді. Бүгінгі таңда қаламызда 10 халыққа қызмет көрсету бөлімі, оның ішінде 3 мамандандырылған бөлім бар, онда азаматтар мемлекеттік қызметтердің 662 түрі бойынша жүгіне алады.

Электронды анықтамалар мен қызметтерді, мереке күндеріне қарамастан, egov.kz порталы, egovkzbot2.0 телеграм-боты, egov mobile қосымшасы арқылы онлайн түрде кез келген жерден алуға болады.

Халыққа қызмет көрсету орталықтары, 16-17 желтоқсан – ҚР Тәуелсіздік күніне байланысты жұмыс істемейді.

2021 жылдың 29 қарашасында ҚР ҰҚК Шымкент қаласы бойынша департаменті және Шекара қызметінің Түркістан облысы бойынша департаментімен бірлесе отырып, Тәуелсіздік күнінің және Ұлттық қауіпсіздік органдарының 30 жылдығына орай арнайы дайындалған «Отандық арнаулы қызметтің хроникалары» және «Мемлекеттік шекара» атты кітаптарын презентациялау шаралары жүргізілді.

Жуырда ҚР Білім және ғылым министрлігінің «Ұлттық ғылыми–практикалық дене тәрбиесі» орталығының ұйымдастыруымен Нұр-Сұлтан қаласында республикалық «ІІ Мұғалімдер спартакиадасы» өткен болатын.

Аталған спорттық додаға Шымкент қаласының білім басқармасына қарасты әдістемелік орталықтың қызметкерлері Нартай Күзенбаев пен Дәулет Куттеев бастаған мұғалімдер командасы бақ сынап қайтты. Республикамыздың 17 аймағынан келген қарсыластарын жеңген Шымкент қаласы жалпы командалық есепте І орын иеленді.

Спортты серік еткен ұстаздар волейбол, футбол, үстел теннисті секілді ойынның үш түрінен озық шықты. Сайыста Шымкент қаласындағы №64, №50, №89, №113, №23, №46, №88, №30, №129, №104, №1, №30, №87, №72, №11, №90, №110, №69, №71, №94, №85, «Кэмбридж» жалпы орта мектептері мен Назарбаев зияткерлік мектебі және Жол-көлік колледжінің белсенді мұғалімдері үшінші мегаполистің намысын қорғап, жеңіс биігіне көтерілуіне атсалысты.

Ел егемендігін алған отыз жыл ішінде біздің елімізде бұқаралық спортты дамыту жолында қыруар жұмыстар ат¬қарылды. Ел Президенті спортқа зор көңіл бөліп, бұл саланы әр¬дайым мемлекеттік маңызы басым бағыттар санатына қосып келеді.

Даулет КУТТЕЕВ,
Шымкент қалалық білім басқармасы әдістемелік орталығының дене тәрбиесі әдіскері

Шымкент қаласында 10 халыққа қызмет көрсету орталығы бар, онын ішінде 200 мың қызмет жылжымайтын мүлік және жер кадастры саласы бойынша көрсетілген. Ал автокөлік иелеріне арналған 3 мамандандырылған ХҚО арқылы жыл басынан бері 273 мың автокөлік қайта тіркеуден өтіп, 70 мың жүргізуші куәлігі берілген.

«Бүгінде біз мемлекеттік қызметтерді алу үшін барынша қолайлы жағдай жасаудамыз. Біз 10 айдың топ-5 мемлекеттік қызметтің рейтингін жасадық. Ең көп сұратылғын қызмет - жеке куәлік пен паспорт, оны алу үшін 450 мыңға жуық азамат жүгінген, одан кейін автокөлікті қайта тіркеу, жылжымайтын мүлікті тіркеу қызметтері мен ЭЦҚ алу (120 мың цифрлық қолтаңба), жүргізуші куәлігін беру қызметі», – деді «Азаматтарға арналған үкіметтің» Шымкент қалалық филиалының директоры Данабек Исабеков.

Сондай-ақ, әр бөлімде өзіне өзі қызмет көрсету секторлары жұмыс істейді. Ол үшін азаматтардың электронды цифрлық қолтаңбасы болу қажет. ЭЦҚ-ны онлайн түрде үйде немесе ХҚО-да алуға болады. Одан бөлек шымкенттіктердің ыңғайлылығы үшін мемлекеттік қызметтің баж алымын кассаға бармай-ақ, QR код арқылы төлеу мүмкіндігі жасалды.

Тұрғындар дайын болған құжатты үйлеріне алдырту сервисін пайдаланып, көліктің сақтандыру полисін автоХҚО операторынан бірден рәсімдей алады. Оған қоса бірнеше мемлекеттік қызметті ХҚО-ға бармай-ақ банк қосымшалары арқылы алу мүмкіндігі туды.

«ХҚО бөлімдері мүмкіндігі шектеулі жандар үшін пандустармен жабдықталған. Ал егер клиент қандай да бір себептермен ХҚО-ға бара алмаса, онда сіз біздің қызметкерді үйге шақыра аласыз. Ол үшін бірыңғай байланыс орталығының 1414 нөміріне қоңырау шалып, өтініш қалдыру қажет. Осылайша, 2021 жылы біздің қызметкерлер 1000-нан астам рет клиенттің үйіне барып қызмет көрсеткен»,– деп толықтырды Данабек Исабеков.

«Азаматтарға арналған үкімет» мемлекеттік корпорациясы 690 мемлекеттік қызмет көрсетеді, электронды үкімет порталы арқылы 645 мемлекеттік қызмет онлайн форматта қолжетімді. Оларды Egov порталы, Egov mobile мобильдік қосымшасы және @Kenes1414Bot телеграмм-бот арқылы өз бетінше алуға болады. Жалпы Шымкент қалалық филиалында 600 қызметкер жұмыс істейді.

– ҚР Тұңғыш Президенті – Елбасы Нұрсұлтан Әбішұлы Назарбаев Nur Otan партиясы Саяси кеңесінің кеңейтілген отырысында «Елдіктің жеті тұғыры» атты қағидаттар жиынтығын таныстырды.