Шымкент келбеті

Шымшаһарда қалалық мемлекеттік архивтің ұйымдастыруымен тәуелсіздіктің 30 жылдығына орай «Тәуелсіздік жылдарындағы Құрметті азаматтар» көрмесі өтті. Бұл жолы қаланың құрметті азаматтары аллеясына түрлі спорттық додаларда еліміздің даңқын шығарған азаматтар жиналды.

Сайрам тұрғын алабында батыр бабалардың рухына тағзым жасалды.
1681-1684 жылдары өткен Сайрам соғысына қатысып, қол бастаған Баймұрат пен Қозышақ батырларға салынған ескерткіштің ашылу салтанатты өтті. Жиынға зиялы қауым өкілдері, тарихшылар, қалалық ардагерлер кеңесі бастаған бір қауым ел қатысты. Атап айтсақ, олардың ішінде К.Төлебаев, Ә.Досболов, Т.Рахманбердиев, Т.Жүнісов сынды айтулы азаматтар бар.

Шымкент тұрғындарының қауіпсіздігін қамтамасыз ету үшін мегаполисте көптеген кешенді жобалар қолға алынғаны белгілі. Бұл республикалық маңызы бар шырайлы шаһардың smart city-ге көшудегі алғашқы қадамдардың бірі. Дамудың жаңа сатысына қадам басқан шаһар бүгінде ақылды, жасыл әрі қауіпсіз қалаға айналып келеді. Әлемдік тәжірибеге көз жүгіртер болсақ, әдетте, ақылды қалалардың экономикасы жоғары, басқару жүйесі жүйеленген, инфрақұрылымы жетілген, барлық талаптарға сай болады. Тұрғындары да цифрлық тұрғыдан сауатты әрі жаңашылдыққа бейім келеді. Шымкент қаншалықты бұл критерийлерге сай? Сараптамалық мақалада осы сауалға жауап іздеп көрдік.

Шымкенттегі жастарға вакциналаудың маңызы насихатталды. Мегаполисте іс-сапарда жүрген «Елім үшін егілемін» атты азаматтық штабтың өкілдері Қаратау аудандық жастар ресурстық орталығында белсенді жастармен кездесті.

Цифрлық технологиялар жаһандық дамудың ажырамас бөлшегіне айналғаны әмбеге аян. Бұл процесс елімізді де айналып өткен жоқ. Бүгінде инфрақұрылымды дамытуға, адам капиталын жақсартуға, экономика саласын цифрландыруға және мемлекеттік қызмет көрсету жүйесін жетілдіруге бағытталған «Цифрлы Қазақстан» мемлекеттік бағдарламасы жүзеге асырылуда. Ал Мемлекет басшысы Қазақстан халқына кезекті жолдауында цифрландыру үрдісіне қолдаудың жалғасатынын айтқан болатын. Осы ретте қалалық цифрландыру басқармасының басшысы Әсет Әбдірахановтан салада қандай өзгерістер барын сұраған едік.

Ел Тәуелсіздігінің 30 жылына орай Шымкенттегі жоғарғы спорт шеберлігі мектебінде қала әкімінің қолдауымен «Шымкент жастар лигасы» жобасының екінші кезеңі салтанатты түрде ашылды. Екінші кезеңнің ерекшелігі – сайысқа енді мектеп оқушылары ғана емес, жоғары және орта арнаулы оқу орындарының студенттері де қатысады. Олар спорттың футбол, волейбол, баскетбол және шахмат сынды 4 түрінен сынға түседі.

Соңғы жылдары еліміздегі білім беру жүйесі көптеген өзгерістерге ұшырап, жаңа мақсаттарға жету үшін соны соқпақтарға түсті. Әсіресе, жер бетін жайлаған пандемия салдарынан күтпеген өзгерістер орын алып, білім саласы біраз сынақтан өтті. Осы орайда еліміздегі іргелі жоғарғы оқу орнының бірі – М.Әуезов атындағы Оңтүстік Қазақстан университетінің ректоры Қожамжарова Дария Пернешқызын сөзге тартқан едік.