Биыл оңтүстікте 8 айдың ішінде 521 егіз бен 4 үшем дүниеге келген. Бұл туралы облыс әкімінің баспасөз қызметі хабарлап отыр. Айта кету керек, еліміздегі әрбір бесінші нәресте Оңтүстік Қазақстанда жарық дүние есігін ашады.
Жылдың алғашқы айында туылған үшемдерге пәтер берілді. Жалпы алғанда, Оңтүстікте 53 мың 51 сәби туылған. Мәселен, өткен жылы 52 мың 636 бала дүниеге келген екен. ОҚО-да жыл өткен сайын сәбилердің көптеп туылуына денсаулық сақтау саласын қаржыландырудың артуы және жаңа медициналық мекемелердің көптеп салынуы, сонымен қатар, ауруханалар мен емханалардың материалдық-техникалық базасының нығаюы – басты себеп болып отыр. Соның нәтижесінде ана мен бала өлімі де азайған.