ЕКІ МЫҢ ЖҰП ОНЛАЙН ӨТІНІШ БЕРДІ

Среда, 13 Сентябрь 2023 04:46 Автор  Опубликовано в Қоғам Прочитано 861 раз

2023 жылдың 1 шілдесінен бастап АХАТ функциялары Мемлекеттік корпорацияға берілді. Бұл ретте мемлекеттік қызметтер көрсету тәртібі өзгермейді. Болашақ жас жұбайлар үйден шықпай-ақ онлайн режимінде некеге тұруға өтініш бере алады. АХАТ функциялары берілгеннен бері 1096 жұп онлайн өтініш тапсырған.

 

Өтінім беру үшін ЭЦҚ арқылы eGov порталына кіріп, «Отбасы» бөлімін таңдап, одан «Отбасылық жағдай» бөлімінде «Некені тіркеуге электрондық өтініш беру» қызметін таңдаңыз.
Өтініш тәртібімен танысқаннан кейін «Онлайн қызметке тапсырыс беру» бөлімінде сіз жеке деректерді толтыруыңыз қажет: ерінің/зайыбының ЖСН және неке тіркелетін тіркеу бөлімін таңдау қажет екенін ескеріңіз.
Өтініш толтырылғаннан кейін жүйе төлем жасауды ұсынады. Өтініш беруші «Төлеу» батырмасын басу арқылы төлем жасап, өтінішті ЭЦҚ көмегімен қол қою қажет. Болашақ ерінің/зайыбының өтініш беруді растауын алу үшін электрондық үкімет порталындағы «Қызметтерді алу тарихы» бөліміне өтіп, өтінімді толтырып, ЭЦҚ көмегімен растау қажет.
Естеріңізге сала кетейік, некені тіркеу туралы өтінішті 15 күн алдын тапсыру қажет. Қазақстан Республикасында некеге тұру жасы ерлер мен әйелдер үшін заңмен 18 жастан бастап белгіленген.

Редакция

Қалалық «Шымкент келбеті» «Панорама Шымкента» газеттері 1990 жылдың 21 шілдесінен бастап шығады. Басылымның құрылтайшысы - Шымкент қаласы әкімдігі. Шығарушы - «Шымкент ақпарат орталығы» ЖШС-і. Қоғамдық-саяси газет қаланың тыныс-тіршілігін сипаттап, жаңалықтармен хабардар етеді.