Шымкент келбеті

Биыл КСРО халық әртісі, театр және кино актері, режиссер Шәкен Аймановтың туғанына – 110 жыл. Мерейтойға орай Шымкентте Әл-Фараби атындағы қалалық ғылыми-әмбебап кітапхана мен Ж.Шанин атындағы академиялық қазақ драма театрының ұйымдастыруымен «Қазақ киносының саңлағы» атты танымдық сағат өтті.

Шымкенттің кешін «Жаңа леп» ұжымы бір сәтке махаббатқа, үмітке бөледі. Ж.Шанин атындағы қалалық академиялық қазақ драма театрында «Көктемдегі кездесу» музыкалық-поэтикалық қойылымының премьерасы өтті. Екі сағатқа созылған қойылым мөлдір сағынышты, кейде аяулы, кейде баянсыз махаббатты, асқақтықты, нәзіктікті, іңкәр сезімдерді, жүрек қағысын суреттей білді.

Шымкентте конькимен мәнерлеп сырғанаудан «Б» тобы бойынша «SHYMKENT SKATE» халықаралық турнирінің ашылу салтаны өтті. Халықаралық додада бағын сынауға Астана, Алматы, Шымкент қалаларының, Қарағанды, Қостанай, Қызылорда, Маңғыстау, Түркістан облыстарының, Украина мен Өзбекстан елдерінің жас мәнерлеп сырғанаушылары өнерлерін паш ететін болады.

Қазақстан халқының бірлігі күні қарсаңында Шымкент қаласындағы «Достық» үйінде «Береке – бірлікте» тақырыбында «дөңгелек үстел» мәжілісі өтті.

Шымкент қаласы әкімінің аппарат мәжілісінде бірқатар маңызды мәселелер көтерілді. Онда инфрақұрылым жүргізуге тартылған мердігер мекемелердің жұмысы талқыланды. Қала әкімі Ғабит Сыздықбеков қазылған жолдардың міндетті түрде қалпына келтірілуі тиіс екенін, мұндай сапасыздыққа жол берген мердігерлердің қылмыстық жауапкершілікке тартылатынын жеткізді.

Ауыл шаруашылығы министрі Айдарбек Сапаров жұмыс сапарымен Шымкент қаласына келді. Ведомство басшысы «АйМар Құс» ЖШС жұмысымен танысып, шаруалармен кездесті.