Шымкент келбеті

Бұл – Шымкент қаласы Шапырашты тұрғын алабының шаруалары үшін қуанышты жаңалық. Елді мекендегі каналдың ауқымды бөлігінің құрылысы аяқталып, су келе бастады. Өткен жылдың маусым айында басталған күрделі жөндеудің нәтижесінде су арнасы терең қазылып, айналасы бетондалған.

ҚР Парламенті Сенатының депутаттары Нұрлан Бекназаров пен Айгүл Қапбарова Шымкент қаласына жұмыс сапарымен келді. Депутаттар шаһардағы тұрғын алап халқымен кездесіп, денсаулық, әлеуметтік саладағы мекемелердің жұмысымен танысты. Алдымен депутаттар қалалық Жүрек орталығында болып, дәрігерлермен кездесті. Орталықтың Басқарма Төрағасының міндетін атқарушы Дархан Сүйгенбаев халық қалаулыларын атқарылып жатқан жұмыстармен таныстырып, жеткен жетістіктерін баяндады.

Айлары асығыс, күндері қауырт өтіп жатқан қоғамның мейірім мен қайырымға, аялы алақанға мұқтаж екені жиі байқалады. Тағдыр жазуымен егде жаста жалғыз өмір сүруге мәжбүр қарттар мен жас талғамайтын мүмкіндігі шектеулі балалар үшін де ыңғайлы, біртұтас отбасыдай жағдай жасау – біздің қоғам алдында тұрған маңызды міндет. Бүгінде елімізде мүмкіндігі шектеулі балаларды қоғамға бейімдеу мәселесіне ерекше ден қойылып отыр. Бұл істе әлеуметтік қызметкердің орны ерекше. Өйткені, олар өз ісінің білгірі ғана емес, жұмысына жан-тәнімен берілген, науқас балалардың шамшырағы деп айтуға болады. Ерекше балалар өмірді ата-анасы арқылы таныса, әлеуметтік қызметкермен қоршаған ортаға үйреніп, бейімделе бастайды.

Шілде айының алғашқы жексенбісі – Ұлттық домбыра күні. Осы күннің құрметіне Арбат алаңына жиналған шымкенттік жастар DOMBYRA party ұйымдастырып, қала тұрғындары мен қонақтарына әсем ән мен тәтті күй сыйлады. 50-ге жуық жас күйші Құрманғазы, Дәулеткерей, Тәттімбет, Дина, Нұрғисалардың күйін шертіп, қазақтың рухын асқақтатар асыл қазынамызды дәріптеді. Игілігі мол бастамаға қалалық жастар ресурстық орталығы мен AMANAT партиясының Шымкент қалалық филиалы жанындағы «Жастар рухы» жастар қанаты және «Мирас» қоғамдық бірлестіктері ұйытқы болды.

Синтетикалық есірткіге қарсы күрес қалай жүзеге асып жатыр?

Соңғы жылдары синтетикалық есірткі мәселесінде мамандар дабыл қағуда. Мемлекет басшысы Қ.Тоқаев Қазақстан халқына Жолдауында синтетикалық есірткі тұтынатындардың көбеюі ұлт саулығына зор қауіп төндіріп жатқанын атап өтті. Деректер соңғы үш жылда тәркіленген «синтетиканың» көлемі 10 есе артқанын көрсетті. Сондықтан Президент Жолдауда синтетикалық есірткіні өндіруге және таратуға қарсы күрес жалпыұлттық деңгейде жүргізілуге тиіс екенін алға тартып, нақты тапсырмалар берді. Шымкент қаласында «Халықаралық есірткімен күрес күніне» орай өткен жиында да тәртіп сақшылары, дәрігерлер мен қалалық Жастар ресурстық орталығының мамандары ғасыр дертінің алдын алу жөніндегі ойларын ортаға салды.

Шымкентте «Қазақстанның үздік тауары –2023» конкурсының өңірлік іріктеу кезеңі өтті. Іс-шараға қала әкімдігі мен «Атамекен» Ұлттық Кәсіпкерлік Палатасының қалалық филиалы ұйытқы болды. Арбат алаңында ашық аспан астында өткен екі күндік көрме-байқауда шаһардың 70-тен аса кәсіпкері өз өнімін ұсынды. Көрмеде қазақтың ұлттық тағамы құрт пен майдан бастап, құрылыс материалдары, жиһаз, киім-кешек, сәбилерге арналған жөргек, дәрі-дәрмек өндірісі, тоқыма бұйымдар, тамақ өндірістері, күнделікті тұрмыс пен құрылысқа қажеттінің барлығы бар. Тіпті, қаламызда аяқ киім шығаратын үш фабрика бар екеніне көзіміз жетті.

Шымкент – еліміздегі республикалық маңызы бар үш қаланың бірі. Еліміздің индустриалды орталығына айналып отырған шырайлы шаһарда өмір сүрудің қауіпсіздік деңгейі жыл сайын жақсарып келеді. Адам өмірі мен қауіпсіздігі – мемлекеттің басты құндылығы екенін ескерсек, Шымкентте қолға алынып жатқан кешенді жоспарлар мен оның орындалуы халықтың қауіпсіздікте тұрмыс кешіп жатқанын аңғартады.

Шымкентте бесінші ауданның құрылуына байланысты қаладағы шалғай елді мекендерде инфрақұрылым жұмыстары жаңа леппен қарқын алды. Мәселен, бұрын Қаратау ауданына қарайтын Қайнарбұлақ тұрғын алабы мен саяжайы 2023 жылдың қаңтарынан бастап Абай ауданының құрамына енді. Қазіргі таңда Қайнарбұлақтың жолдарын жақсартып, көгілдір отынмен қамтамасыз ету бойынша 2 елді мекенде құрылыс жұмыстары қарқын алған.