Шымкент – жасыл желегімен, саябақтары мен ондағы ағаштардың алуан түрлілігімен ерекшелетін қала. Ел Президенті Қ.Тоқаевтың бастамасымен қолға алынған «Таза Қазақстан» акциясы аясында мегаполистегі саябақ, гүлзарларда да көктемгі тазалық жұмыстары жүргізіліп жатыр. Осындай саябақтардың бірі – Еңбекші ауданында орналасқан «Қазақстан-Түркия достастығы» саябағы.

Enbe10000

Республикалық «Таза Қазақстан» акциясы Шымкент қаласы Тұран ауданы аумағында да жалғасып жатыр. Тұрандықтар #TazaShym тазалық шарасын қаланың «күре тамыры» – А-2 айналма жолының бойынан бастады.

Turan-1

abai-ardagerler

Елімізде Мемлекет басшысы Қ.Тоқаевтың бастамасымен 8 сәуірден «Таза Қазақстан» экологиялық акциясы бастау алды. Бес аптаға созылатын экологиялық науқанның алғашқы аптасы – «Таза өлке» апталығы. Апталық шеңберінде қала тұрғындары, қоғам белсенділері, ұйымдар мен кәсіпорындардың қызметкерлері іргелес аумақтар мен белгіленген аулаларды тазалау, көгалдандыру, ағаштарды күтіп-баптау жұмыстарына атсалысып жатыр.

Таңсәріде ең алғашқылардың бірі болып Абай ауданының тұрғындары жұмысты бастап жіберді. Тазалық жұмысы «Асар» шағынауданындағы «Ардагерлер аллеясынан» басталды. Науқанға «Шымсити», «Тұран», «Асар» және өзге де іргелес шағынаудандардың тұрғындары қатысып, аулаларды, жер асты және жол үсті жүргіншілер жолдарын, аялдамаларды, сонымен бірге Бәйдібек би даңғылы мен А2 тас жолы бойын тазалау және абаттандыру жұмыстарын жүргізбек.

– Бүгінгі жұмысқа Абай ауданына қарасты шағын аудандардың 300-ге жуық тұрғыны қатысып отыр. Сонымен қатар, 20 техника жұмылдырылды. Тұрғындар қоқыс жинап ғана қоймай, шөп ору, талдарды әктеу және сыры кеткен аялдамаларды бояп, жуып-талайтын боламыз. Тазалық акциясына аудан жастарымен қатар, егде жастағы қарияларымыз да келіп, ұрпақтар сабақтастығын насихатталып отыр, - дейді Абай ауданы әкімінің орынбасары Гүлнұр Асылбекова.

Айта кетейік, бүгін Шымкентте #TazaShym атты жалпықалалық тазалық шарасы өтуде. Онда қаланың барлық аудандары мен елді-мекен аумақтарында тазалық жұмыстары жүргізіледі.

«Шымкент келбеті»

al-farabi-ordabasy 2

Әл-Фараби ауданының тұрғындары #TazaShym жалпықалалық тазалық іс-шарасын Ордабасы алаңынан бастады. Аудан тұрғындары, белсенді жастар, мен еріктілер «Ордабасы» алаңы мен «Тәуелсіздік» саябағының аумағы, «Қошқар ата» өзенінің жағалауы, алаңдағы жол үсті көпірі, «Жер Ана» монументі маңына тазалық жұмыстарын жүргізіп жатыр. Сондай-ақ, аялдамаларды жуу мен тазалау, ағаштардың түбін әктеу, шөп ору, абаттандыру жұмысына атсалысуда.

Экологиялық акцияға Шымкент қаласының әкімі Ғ.Сыздықбеков, қалалық мәслихат төрағасы Б.Нарымбетов, қалалық ардагерлер кеңесінің төрағасы К.Төлебаев, белгілі опера әншісі М.Мұхамедқызы, қоғам белсендісі А.Бесбаев, ардагерлер, қоғам қайраткерлері, белсенді жастар, еріктілер және басқа да азаматтар белсенді атсалысып жатыр.

– Қазақта «Көктемнің бір күні – жылға азық» деген әдемі сөз бар. Дәл осындай еңбек жиыны, қаланың экологиясына пайдалы тазалық акциясы дер кезінде қолға алынып отыр. Белсенді жастар мен қазыналы қариялар атсалысып, қоршаған ортаның тазалығына өз үлестерін қосуда. Шымкент әрдайым «шырайлы қала» статусына сай көркейіп, абаттана береді деп сенеміз, - дейді Шымкент қалалық ардагерлер кеңесінің төрағасы К.Төлебаев.

al-farabi-ordabasy 3

Жиын барысында қалалық мәслихат төрағасы Б.Нарымбетов пен опера әншісі М.Мұхамедқызы да акцияға қатысушыларға сәттілік тілеп, белсенділігімен көпке үлгі көрсетті.

Айта кетейік, қала бойынша тазалық жұмыстарына 4500-нан астам адам қатысып, 56 арнайы техника жұмылдырылды. 10,6 шақырым аяқ жол тазаланып, 5500 дана ағаш әктеліп, қырқу жұмыстары жүргізілді. 85 текше метр қоқыс шығарылып, 4365 м ирригациялық жүйелер, 18 658 шаршы метрді құрайтын көше бойы тазаланды.

al-farabi-ordabasy 1

Экологиялық акцияның алғашқы «Таза өлке» апталығы аясында қала тұрғындары, қоғам белсенділері, ұйымдар мен кәсіпорындардың қызметкерлері іргелес аумақтар мен белгіленген аулаларды тазалау, көгалдандыру, ағаштарды күтіп-баптау жұмыстарын жүргізуде.

«Шымкент келбеті»

enbekshi-alatau

Шымкенттіктер «Таза Қазақстан» экологиялық акциясында белсенділігімен ерекшеленіп жатыр. Бүгінгі #TazaShym жалпықалалық тазалық шарасын еңбекшіліктер 11 шағын ауданда орналасқан «Алатау» саябағынан бастады.

– Мемлекет басшысы Қасым-Жомарт Кемелұлының бастамасымен қолға алынып отырған 5 аптаға жоспарланға науқанға атсалысуға келдік. Алайда, бұл жұмыстар тек науқандық болып қалмауы тиіс. Қала көркейіп, даму үшін барлық жерлестерімді акцияға атсалысуға және қоршаған ортаның тазалығын сақтауға шақырамын, - дейді боксшы, Қазақстанның еңбек сіңірген спорт шебері Мұхтархан Ділдабеков.

Еңбекші аудандық қоғамдық орта сапасын дамыту бөлімінің басшысы Бақыт Сыдықовтың айтуынша, тазалық шарасына 100-ге жуық тұрғын жиналып, 3 техника жұмылдырылған. Олар шөп орып, ағаштарды әктеумен қатар, арықтарды қоқыстан тазартып, дезинфекциялау жұмыстарын жүргізіп отыр.

Айта кетейік, Еңбекші ауданының аумағындағы тазалық жұмыстарына 870-тен астам адам қатысып, 26 арнайы техника жұмылдырылған. Олар 6,4 шақырым аяқжолды тазалап, 970 түп ағашты әктеп, бұталарын қырықты. Бүгінге дейін аудан аумағынан 48 текше метр қоқыс шығарылып, 1150 м ирригациялық жүйелер тазаланды.

«Шымкент келбеті»

karatau-karyalar

Қаратау ауданының тұрғындары жалпықалалық #TazaShym тазалық шарасына атсалысу үшін Т.Назарбеков атындағы аллея маңына жиналды. Аудан тұрғындары мен белсенді жастар Т.Назарбеков аллеясының аумағына, Ж.Шаяхметов көшесі мен Н.Назарбаев даңғылының бойына және «Нұрсәт» шағын ауданында тазалық жұмыстарын жүргізіп жатыр.

– Мемлекет басшысының бастамасымен қолға алынған «Таза Қазақстан» акциясы еліміздің барлық аумағында қарқынды жүріп жатыр. Бүгінгі іс-шараға қоғам белсенділері, жастар, еріктілер үлес қосып жатыр. Мен барлық замандастарымды Президент бастамасын қолдап, белсенді атсалысуға және қаланың дамуына үлес қосуға шақырамын, - дейді Қаратау аудандық жастар ресурстық орталығының жетекшісі Бекарыс Бахадыр.

Іс-шараға тұрғындармен бірге танымал айтыскер ақын Б.Байтуов, Қаратау аудандық ардагерлер кеңесінің төрағасының орынбасары П.Есенбеков бастаған қариялар, белсенді жастар қатысты. Аға буын өкілдері жастарға үлгі көрсетіп, бата берді.

Айта кетейік, Қаратау ауданы бойынша #TazaShym шарасына 500-ден астам адам қатысып, 18 арнайы техника жұмылдырылып отыр. Ауданға қарасты барлық аяқ жолдар тазаланып, 280 дана ағаш әктелді. Сонымен қатар, 40 орындық сырланды. Жалпы, аудан аумағынан 28 текше метр қоқыс шығарылып, жол бойындағы ирригациялық жүйелер тазаланды.

«Шымкент келбеті»

Батыс Қазақстан облысында су тасқынының қаупі сейілмей тұр.

Сіз де өз үлесіңізді қосыңыз!

Пятница, 12 Апрель 2024 04:57

Су тасқыны орын алған өңірлерге Шымкенттен гуманитарлық көмек лек-легімен жіберілуде. Ол үшін қалада арнайы қабылдау пункттері ашылып, халықтан келіп түскен қажетті заттар мен азық-түліктер жинақталып жатыр. Орталықтағы қабылдау пункттерінің бірі – Жастар ресурстық орталығы.

BoleN-2

Страница 6 из 799