Билік пен белсенді жастар байланысы нығаймақ

Среда, 26 Апрель 2023 04:01 Автор  Опубликовано в Білім Прочитано 4836 раз

Абай ауданы әкімінің орынбасары Гүлнұр Асылбекова аудан жастарымен кездесті. Абай аудандық жастар ресурстық орталығының ұйымдастыруымен өткен іс-шарада жастар ашық сұхбат құрды.

Билік пен белсенді жастар арасында тығыз байланыс орната отырып, емін-еркін пікір алмасу мақсатында ұйымдастырылған кездесуде Гүлнұр Нұрбекқызы өзінің қызметі мен атқарып жүрген жұмысының маңызына тоқталып, жастар саясатын жүзеге асырудағы жоспарымен бөлісті.

— Елдігіміздің еңселі, болашағымыздың баянды болуы – сіздердің қолдарыңызда! Сондықтан, сіздерді халыққа, қоғамға қызмет етуге, қай салада да Отанымыздың абыройын арттыруға үлес қосуға шақырамын. Баршаңызға зор денсаулық, оқуда озат және еңбекте табысты болуды тілеймін! – деді аудан әкімінің орынбасары Г.Асылбекова.

Жиын барысында белсенді жастар өнерін паш етіп, өздерін қызықтырған сауалдарына жауап алды.

Редакция

Қалалық «Шымкент келбеті» «Панорама Шымкента» газеттері 1990 жылдың 21 шілдесінен бастап шығады. Басылымның құрылтайшысы - Шымкент қаласы әкімдігі. Шығарушы - «Шымкент ақпарат орталығы» ЖШС-і. Қоғамдық-саяси газет қаланың тыныс-тіршілігін сипаттап, жаңалықтармен хабардар етеді.