Жиын ұландардың саптық алаңда сапқа тұруынан және генерал-майор С.Рахымовтың бюстіне гүл шоқтарын қоюдан басталды. Аталмыш рәсімді Шымкент республикалық «Жас ұлан» мектебінің бастығы, полковник Г.Тулеушев ашты.
– Мектептің басты міндеті – жас ұрпақтың бойында Отан тарихына, тәуелсіз Қазақстанның бүгіні мен болашағына деген жауапкершілікті қалыптастырып, туған жеріне, мектебіне, ұстаздарына, ата-аналарына деген сүйіспеншілік, сезімін дамыту. Ұландардың бойынан өз болашағын әскери қызметпен байланыстыруға деген ұмтылысын көріп отырмыз. Бұл – біз үшін мақтаныш, – деді полковник Г.Тулеушев.
Салтанатты кеште ұландар мадақтама қағазымен, мектеп қызметкерлері «ҚР Қарулы Күштеріне – 30 жыл» медалімен
марапатталды.
Айта кетейік, биыл мектепті 168 түлек тәмамдады.
Айкен ОСПАНҚҰЛОВА,
«Жас ұлан» мектебінің қызметкері