Шымкент келбеті

Былтыр шіліңгір шілдеде жастар арасында әлем чемпионы болып оралған Руфина Искакованы әуежайдан жерлестері зор қошеметпен күтіп алған. Қала мәслихатының төрағасы бастаған алқалы топ ізгі тілектерін жеткізген. «Спорттық жетістіктер елдің әлеуетін паш етеді. Осындай чемпионды тәрбиелеген ата-анасына, бапкерлеріне алғыс айтамыз. Алда әлем чемпионаты, Азия ойындары келе жатыр. Басты мақсат – Олимпиада ойындарына жолдама алу. Сол бәсекелерде сәттілік тілейміз» деген еді қала мәслихатының төрағасы Б.Нарымбетов. Міне, сол көптің тілеуі қабыл болып, Руфина Жазғы Олимпиада ойындарында бақ сынағалы жатыр.

Париж Олимпиадасының алғашқы жолдамасын қоржынға мергендер салған еді. Одан кейін тоғанның аузы ашылғандай, жолдамалар саудырлай түсті. Шымкенттік нысана көздеушілердің қабілет-қарымы көпшілікке мәлім. Спортшылар Жазғы Азия ойындары, Азия чемпионаты мен әлем кубогы бәсекесінде табысты өнер көрсетті. Ендігі жауапты сайыс – Олимпиада ойындары. Жерлестеріміздің еншісінде 3 жолдама бар.

ҚР Парламенті Мәжілісінің депутаты Руслан Берденов Шымкент қаласына жұмыс сапары аясында тұрғындармен кездесіп, бірқатар нысандарды аралап шықты. Халық қалаулысы алдымен «Тассай» индустриалды аймағындағы кәсіпорындардың жұмысымен танысып, жұмысшылармен әңгімелесті.

Биыл Парижде өтетін Жазғы Олимпиада ойындарына санаулы күндер қалды. Еліміздің спортшылары осынау аламанға тыңғылықты дайындық жүргізуде. Таяуда Мемлекет басшысы олимпиадашыларға сәттілік тілеп, Туды спортшыларға табыс етті. Ел қоржынында жалпы 25 спорт түрінен 90-ға жуық лицензия бар. Ал Шымкент қаласы спортшылары дүбірлі додаға қаншалықты дайын? Олимпиада үміттері кімдер?

ҚР Парламенті Сенатының депутаты Нұрлан Бекназаров Шымкент қаласына жұмыс сапары аясында қалалық Полиция департаментінің қызметкерлерімен кездесу өткізді. Қоғамдық қауіпсіздік пен құқық бұзушылықтың алдын алу мәселелері бойынша атқарылған жұмыстарды талқылап, мамандардың ұсыныстарын тыңдады.

Астанада халық саны 1,5 миллионға жетті. Бұл ресми мәліметті Ұлттық статистика бюросы жариялады. 2024 жылдың 1 маусымдағы көрсеткішке сәйкес, бас шаһар Астанада 1 464 415 адам тұрады. Ширек ғасырдан астам уақытта жаңа елорда жалпыұлттық идея мәртебесіне ие болып, жас мемлекеттің тәуелсіздігінің символына және жаhандық табысына айналды. Биыл елордамыз Астана қаласы 26 жылдығын тойлауда. Елорда – еліміздің динамикалық дамып келе жатқан жаңаруының, тәуелсіз республикамыздың нышаны.

Шымкентте футболдан 19 жасқа дейінгі әйелдер арасындағы «Zhuldyz Summer Cup» халықаралық турнирі мәресіне жетті. Жарыс Қазақстан футбол федерациясының ұйымдастыруымен және УЕФА бағдарламасы аясында өтті.