Шымкент келбеті

Биылғы жылдың бірінші жартысындағы Әл-Фараби ауданының әлеуметтік-экономикалық даму көрсеткіштері тақырыбында баспасөз конференциясы өтті. Аудан әкімінің орынбасары Марат Тәжібаев жыл басынан бері атқарылған жұмыстарды және алдағы жоспарларды баяндады.

Еңбекші ауданының әкімі Досбол Есілбек 2024 жылдың I жартыжылдығында ауданда жүзеге асқан жұмыстар бойынша баспасөз брифингін өткізді. Аудан әкімі инфрақұрылым, абаттандыру, санитарлық тазалық, жол инфрақұрылымын дамыту жұмыстарының барысын баяндады.

«Таза Қазақстан» республикалық акциясы аясында өзендер мен көлдердің жағалауларын тазалау, ретке келтіру іс-шаралары жалғасын табуда. Шымкент қаласының жастары Бадам өзенінің Әл-Фараби ауданы аумағынан ағып өтетін тұсында тазалық жұмыстарын жүргізді.

Франция астанасы Парижде өтіп жатқан жазғы Олимпиада ойындары елімізге құт боп тұр. Ел спортшылары ә дегеннен-ақ тарихты жаңартып, жанкүйерлерін қуантып тастады. Олимпиада ойындарының ең алғашқы жүлдесін де отандастарымыз олжалады. Олимпиаданың алғашқы күнінде қазақ дзюдошылары тарихи ерлік жасап, елге алғашқы алтын жүлдені сыйға тартты. Дарынды спортшы Елдос Сметов үшінші Олимпиадасында мақсатына жетті. Иә, Сметов – Париж ойындарының басты қаһарманы.

Бүгін, 26 шілде күні Франция астанасы Парижде XXXIII жазғы Олимпиада ойындарының ашылу салтанаты болады. Қазақстан осымен сегізінші мәрте жазғы Олимпиадаға қатыспақ. Париждегі байрақты бәсекеде Қазақстан намысын 80 спортшы қорғайды. Олар 25 спорт түрінен 92 лицензия жеңіп алғаны белгілі.

шаһарда 400 мың шаршы метр жер көгалдандырылып жатыр

Мемлекет басшысы Қасым-Жомарт Тоқаев ел аумағында орманды алқаптарда 2 миллиард, ал, елді мекендерде 15 миллион көшет егуді тапсырған болатын. Осының негізінде Шымкентте қаланы көгалдандырудың 5 жылдық жоспары жасалғаны белгілі. Сол жоспарға сәйкес, 2025 жылдың соңына дейін қала аумағында 12,5 млн. жасыл желек болуы шарт.

Астана қаласында қыркүйек айында 5-ші Дүниежүзілік көшпенділер ойындары өтеді. Онда 21 спорт түрі бойынша 90 елден 2000-нан астам спортшы бақ сынайды. Бүгінде көшпенділер ойындарына дайындық жұмыстары қарқынды жүргізілуде. Дүбірлі додаға дайындық аясында Шымкентте көкпар спортының төрешілеріне арналған халықаралық тренинг-семинар басталды.

Шымкент қаласы ТЖД Азаматтық қорғаныс басқармасының бастығы Нұржан Қаракөзев шомылу маусымы кезіндегі қауіпсіздік ережелерін сақтау, осы бағытта атқарылып жатқан жұмыстар бойынша баспасөз мәжілісін өткізді. Нұржан Нұрханұлы ақпараттық-түсіндірме жұмыстары, балаларды суда жүзуге тегін үйрету, заң талаптарын бұзушыларды жауапқа тарту сынды жұмыстардың нәтижелерін баяндады.