Шымкент қаласының тұрғыны Алтай Қалыбеков – жасөспірімдер кітапханасының ең белсенді оқырманы. Жетпісті бағындырғанына қарамастан қария кітап, газет-журнал оқуды доғарған емес. Ақсақал қызықты мәліметті көзі шалса дәптерге түртіп жүреді. Тіпті қазақтың хас батыры Бауыржан Момышұлының ерлігі жайындағы деректерді жинаған. Қазір ол даңқты қолбасшының таңғажайып ерлігі, қиян-кескі шайқастары туралы жатқа біледі. Ұлы тұлғаның батыр бейнесі де жадында қаз-қалпында сақталған.

734

Дархан даласындай көңілі кең қазақ елі түрлі ұлт өкілдерін тар жол тайғақта құшағына алып, бауырына басты. Ынтымақ пен бірлікті ту еткен ұлттар мен ұлыстардың ұйымшылдығы бүгінде өзге жұртты сүйсінтіп келеді. Елімізде соңғы уақытта қазақша сөйлейтін этнос өкілдерінің де саны артты. Солардың бірі – Оңтүстік Қазақстан мемлекеттік педагогикалық университетінің студенті Кристина Бойко.

710

Ұжымдық иммунитетті қалыптастырып, коронавирустың алдын алуда екпе нүктелерінің санын арттыру маңызды. Осы мақсатта Шымкент тұрғындарына медициналық ұйымдардағы 42 екпе пунктінде вакцина егілуде. Қазір емханалардан бөлек сауда орталықтарында да жылжымалы екпе бекеттері ашылған.

jyljymali-ekpe

Соның бірі – «SHYMKENT PLAZA» сауда орталығындағы егу пункті. Мұнда қалалық теміржол ауруханасының дәрігерлері сағат 10:00-ден кешкі 20:00-ге дейін жұмыс істейді. Дүкен аралауға келгендерге бұл ыңғайлы әрі жақсы мүмкіндік.

Жылжымалы пункт дәрігері Жадыра Намазованың айтуынша, вакцина адамдарға бірден салынбайды. Алдымен денсаулығы жан-жақты  тексеріледі. Созылмалы ауруының бар-жоғы анықталады. Сонан кейін тұрғын сауалнама мен келісім парағын толтырады. 20 сәуірде мұнда алғаш рет 10 адам  ресейлік «Спутник V» вакцинасының бірінші бөлігін қабылдапты.

– Вируспен күресудің жолы – екпе салдыру. Вакцинациялау ұжымдық иммунитет қалыптастырады. Аурудың таралуына жол бермеу үшін әр азамат жауапкершілікті сезінуі тиіс, – дейді дәрігер Жадыра
Шалқарқызы.

Мұнда емханадағыдай санитарлық талап сақталған. Эпидемиологтар алдын ала тексеруден өткізген. Сондай-ақ келушілерге үгіт-насихат жүргізетін топ құрылды. Олар келушілерге түсіндіру қағаздарын таратуда.
– Расында сауда орталығында екпе пунктінің  ашылғаны дұрыс болды. Өйткені, біз күні бойы адамдармен тығыз жұмыс істейміз. Ал індет көбейген сайын, бойды қорқыныш билейді. Байқаусызда ауру жұқтырып аламын ба деп алаңдаймын.

Жақындарымды ойлап, вакцина аламын деп шештім, – дейді сатушы-кеңесші Динара Шеркебай.

Құрылыс саласының өкілі Давран Усманов та медициналық бекетке екпе қабылдауға өзі келіпті. Вакцинадан кейін ауырсыну белгілерінің болмағанын, жағдайы жақсы екенін айтады.
«Шымкент теміржол ауруханасы» ЖШС-нің директоры Жадыра Мұхаметқызының сөзінше, алдағы уақытта «Спутник V» вакцинасына сұраныс артуы мүмкін. Ұжымдық иммунитет қалыптаспайынша,
індеттің таралуын толық тоқтату мүмкін емес. Вакцинаның бірінші компонентін сауда үйіндегі егу пунктінде қабылдағандар екіншісін де осы жерде немесе Шымкент теміржол ауруханасында алуы қажет.

Екі бөлігін салған тұрғынның келісім қағазы арнайы базаға енгізіледі. «Egov» мобильді қосымшасына кіріп, азамат өзінің «егу паспортынан» вакцинаны қай күні қабылдағанын, нешінші партия, сериясын көре алады.

Қазір Шымкентте екпе қабылдағандардың қатары 71 мыңнан асты. II компонентті  7 057 адам алып үлгерген.

Айта кетейік, жіті және созылмалы аурулармен ауыратын, сондай-ақ, жүкті, емізулі баласы бар әйелдерге және сәбиді жоспарлап жүргендерге  вакцина қабылдауға болмайды. Қауіпті індетпен ауырған адамға жарты жыл ішінде екпе егілмейді.

Сүйікті қалама сыйлық!

Вторник, 27 Апрель 2021 10:15

МЕЦЕНАТ «ҚЫЗЫР МҰНАРАСЫН» АБАТТАНДЫРДЫ

Қаламызда өткен дәуірлерден сыр шертетін жәдігерлер көп. Соның бірі – Сайрам тұрғын алабындағы Қызыр мұнарасы. XVIII-XIX ғасыр еншісіне жататын ескерткіш «Қазақстанның киелі жерлері» арнайы жобасына енгізілген. Республикалық маңызы бар Шымкенттегі 8 киелі мекеннің бірі саналатын ескерткіштің жағдайы сын көтермейтін. Ал қабырғасының қалыбын сақтаған тарихи орындардың ілуде бір кездесетіні анық.

kizir

Өйткені ғасырлардан келе жатқан мұнара келушілердің назарын өзіне еріксіз аударады. Ескі замандарда бой көтеріп, бүгінге аңыз болып жеткен әйгілі ескерткіштің ғажайыбы өз алдына бөлек әңгіме. Сондықтан сыны кетсе де, сыры кетпеген тарихи орынға алаңдаушылық білдірмегендер кемде-кем. Кезінде қараусыз қалғаны жөнінде жергілікті басылымдар да мәселе көтерді. Ащы сын да, жанашыр ұсыныс та айтылған. Олқылықтың орнын Шымкент қаласы Туризм басқармасының «Туристік ақпарат орталығы» қалпына келтірді. Сөйтіп қараусыз қалған жәдігер жаңа кейіпке енді. Жұдырықтай жұмылған азаматтардың іскерлігі, патриоттығы көпшілікке үлгі дер едік.

Рухани қадамға бастаған эстафетаны 20 наурызда Әлеуметтік кәсіпкерлік корпорациясы бастаған болатын. Жанашыр азаматтар «Сүйікті қалама сыйлық» акциясына бір кісідей атсалысты. Олар Қошқар ата өзенінің жағасына тербелмелі орындық қойған еді.


 Қызыр мұнарасы

Мұнара жайында аңыздар жеткілікті. Деректерде Қызыр (а.с.) шын аты Ілияс ибн Мәлкән ибн Әмир ибн Шалих ибн Арфахшид ибн Сам ибн Нұх деп айтылады. Сайрам өңірі ислам дінін қабылдаған соң, қала ортасынан зәулім мұнара мен мешіт тұрғызады. Сөйтіп Пайғамбар құрметіне «Қызыр» мұнарасы деп атаған дейді. Енді бір аңызда Қызыр а.с.-ды көзі тірі пайғамбарлардың бірі деп есептеген. Отырған жері әп-сәтте жасылға айналғандықтан Хызыр болған деседі. Ал бір деректерде су пайғамбары ретінде танылған. Кей халықтарда ол теңізге сапар шегушілердің қамқоршысы болып есептелген. Сондай-ақ, өрт, су, тасқыннан сақтайтын пір саналған.


 Шымкент қаласы туризм басқармасының «Shymkent Tourism Center» туристік ақпараттық орталығының басшысы Айдарали Рамановтың сөзінше, алғашқыда Қызыр мұнарасын жөндеу оңай болмаған. Алдымен Сайрам ауданы тұрғындарымен басқосулар өтті. Талай ғасырға куә ескерткішті кейінгі ұрпаққа жеткізу жөнінде меценаттармен келіссөздер жүргізілді. Мұнан бөлек, туристерге елімізде ежелден өнер мен мәдениеттің болғандығын көрсету үшін де аз тер төгілген жоқ. Өйткені саяхатшылар Қызыр мұнарасына соқпай кетпейді.

Ақыры меценат Бауыржан Мырзатаев бұл іске білек сыбана кірісіпті. Ол «Қызыр мұнарасының» абаттандыру жұмыстарына өз қаржысынан 15 миллион теңге бөлді.

kziir-2

Осылайша нысанның 200 шаршы метр жаяу жүргіншілер жолына арналған тақталар салынды. Мұнараның жан-жағы темір қоршаумен қоршалды. 500 шаршы метрге көгал төселді. Орындықтар мен қоқыс жәшіктері орнатылып, жарық шамдары қойылды. Келушілердің көліктері аялдайтын орын да ескерілді.

– «Сайрамда бар сансыз бап» деген ұлағатты сөзді жастайымыздан естіп өстік. Сондықтан киелі орындарды көзіміздің қарашығындай сақтау біздің парызымыз. «Сүйікті қалама сыйлық!» эстафетасының басталғанын естігенде үнсіз тұра алмадық. Маңызы бар киелі жерді көріктендіріп, тарту жасадық. Қала тұрғындарын осындай акцияны қолдауға шақырамын, – дейді меценат Бауыржан Мырзатаев.

Қала күнін тойлауға біршама уақыт бар. Алайда, шымқалалықтар тазалыққа үндейтін керемет бастама көтеріп, мерекені таза қалада тойлауға барын салуда. Ол үшін шаһардың барлық аумағына тазалық шараларын жүргізіп, қаланы қоқыстан тазарту жоспарлануда.

2020 жылға дейін Абай ауданындағы кейбір шағынаудандар мен тұрғын алаптарында ауызсу мәселесі күрделі болды. 323 мыңға жуық халық тұратын 34 елдімекеннің оны ұңғыма және тасымалды суды пайдаланды.

659

Рамазан – рухани жаңғыру айы

Пятница, 09 Апрель 2021 03:37

Шымкент қаласының бас имамы қасиетті айда ораза ұстаудың шарттары мен үкімдері туралы айтып берді.

599

Балалар үшін рухани мекен

Пятница, 09 Апрель 2021 03:23

Шымкенттегі Забадам елдімекенінде ашылған Отбасылық кітапхана бүгінде үлкен-кішінің көңілінен шығып үлгерді. Сырттай қарағанда үйге көбірек ұқсайтын рухани мекеменің жарқыраған қасбеті келушілердің назарын еріксіз өзіне аударады.

590

ЕКПЕ КЕСТЕГЕ САЙ ЖҮРГІЗІЛУДЕ

Среда, 07 Апрель 2021 03:47

Елімізде екі ай бұрын басталған COVID-19 дертіне қарсы вакциналау шарасы Шымкент қаласында да   қарқынды жүргізілуде. Ол үшін 36 алғашқы медициналық-санитарлық көмек көрсету мекемесінде егу пункттері мен кабинеттері жабдықталды.

582

Страница 2 из 45