Тексеру барысында кәсіпкерлік нысан иелеріне қаулы талаптарын қатаң сақтау бойынша түсіндіру жұмыстары жүргізілуде. Заң бұзушылық анықталған жағдайда, алгоритмге сәйкес дәлелдемелер жинақталып, құзырлы мекемеге жолданып жатыр. Бәріне қойылатын басты талап – бетперде тағу, әлеуметтік арақашықтықты ұстану. Ал бизнес субъектілерінде «ASHYQ» қосымшасы мен санитайзер болуы шарт.
Мониторинг топта аудан әкімдігінің қызметкерлері, жергілікті тәртіп сақшылары, аудандық тауарлар мен көрсетілетін қызметтердің қауіпсіздігін бақылау басқармасының қызметкерлері бар.
Айта кетейік, бүгінде Шымкент қаласы «қызыл» аймақта. Тұрғындарды короновирус инфекциясының таралуына жол бермей, санитарлық талаптарды сақтауға, ревакцинация жасауға шақырамыз!