Атап айтқанда, журналистердің мәртебесі, тұрғын үймен қамту мәселесі және олардың мұғалім, дәрігер, полицей қызметкерлері тәрізді тоқсан сайын не жыл сайын біліктілігін арттыру жайы талқыланды.
Т.Балтабаевтың айтуынша, сайлаушылармен нақты ұсыныстар жолдау үшін күнделікті қоғамдық қабылдауда азаматтардың мәселелері талқылаудан өтеді. Солардың арасында журналистердің де мәселесі шет қалмау қажеттігін, мемлекеттік идеологияны өңір бойынша насихаттауға айрықша үлес қосып келе жатқан редакция ұжымының ұсыныстары мен өтініштері жергілікті атқарушы билікке депутаттық сауал жолдау арқылы шешілетінін жеткізді.
Сондай-ақ, депутаттар редакцияның 5 журналисіне демалыс орнына жолдама сыйлайтынын, тәжірибе алмасу мақсатында шетелге 2 журналисті апаруға мүмкіндік жасайтынын жеткізді. Алдағы уақытта да «арқалағаны алтын, жегені жантақ» журналистер қауымының өзекті мәселесі өз шешімін табады деген сенім мол.
