Қала тұрғыны Жанна Мелдешовва жүктіліктің 34-аптасында босанған.
Мерзімінен бұрын толғағы басталған жүкті келіншек пен үш шақалақтың өмірін аман алып қалу үшін дәрігерлер кесарь тілігін жасап, операция арқылы сәтті босандырып алды. Үшеуінің де салмағы екі келіден асады, дейді мамандар.
Он жылдан бері бала сүйе алмай келе жатқан ерлі-зайыптылар осылай үлкен қуанышқа кенелді. Үшемге перинаталдық орталықтың неонатологтары ерекше күтім жасады. Білікті медицина мамандарының қарауында болған шақалақтардың бір апта ішінде денсаулықтары оңалып, анасымен бірге үйіне шығарылды.
Айта кетейік, Шымкентте жыл басынан бері 19 797 сәби дүние есігін ашқан. Олардың 135-і егіз болса, төртеуі үшем.
