Қалалық тұрғын үй басқармасының басшысы Азамат Рысжанов тұрғындарды кезекті қабылдауында осы бағытта түсіндірме жұмыстарын жүргізді.
Аталған бағыт бойынша «Отбасы банк» өзінің интернет ресурстары арқылы тұрғын үй кезегінде тұрған азаматтар арасында 27 үйді сату бойынша өтінімдер қабылдаған.
1 кезеңдегі 576 пәтер бойынша ағымдағы жылдың наурыз-сәуір айлары аралығында конкурс өткен. Нәтижесінде 590 өтінім қабылданып, 273 азаматтың өтінімі мақұлданған. 2 кезең бойыша 512 пәтерге ағымдағы жылдың сәуір-мамыр аралығында конкурс өткізіліп, нәтижесінде, 1084 өтінім қабылданды. Қазіргі таңда мақұлданған 280 өтінім бойынша төлем қабілетін растаған азаматтар арасында пәтер бөлу процедуралары жүргізілуде. 3 кезеңге сәйкес, 640 пәтерге мамыр-маусым аралығында конкурс өткізіліп, нәтижесінде 1240 өтінім қабылданған. Қазіргі таңда банк тарапынан конкурсқа қатысқан азаматтардың төлем қабілетін растау жұмыстары жүргізілуде.
Бұдан бөлек, барлық қалған несиелік бағыттағы пәтерлер бойынша аталған 3 кезең біткеннен кейін тағы конкурс жүргізілу жоспарлануда.