Қала әкімі алдымен оқу ордасының тыныс-тіршілігімен танысты. 82 жылдық тарихы бар іргелі білім ошағының IT сыныптарын, 100 жаңа оқулық және Елбасы Нұрсұлтан Назарбаев орталығын аралап көрді. Бүгінде ОҚМПУ-да 5607 студент білім алады.
Жастар бәсекеге қабілетті болу үшін көп ізденіп, оқу керек. Қала әкімі студенттермен кездесуде олардың ұсыныстарын тыңдап, көп ізденуге шақырды.
– Өздеріңмен сұхбаттасып, ұсыныстарыңды тыңдауға келдім. Шымкент - қайырымды қала. Қайырымды қала тұрғындары қандай болуы керек? Осыны оқып, біліп алыңыздар. Қайырымды қаланың жастары барлық жағынан озық болуы тиіс. Кеше ғана жыр жаттау бәйгесінің жеңімпаздарын марапаттадық. Осындай маңызды ұсыныс-жобаларың болса, әрдайым қолдаймыз, - деді Ерлан Қуанышұлы.
Кездесу барысында студенттер көкейдегі сауалдарын қойды. Бірқатар ұсыныстарын жеткізді.
