Әкім Ысқақ қазақ тілінде жазылған алғашқы «Халықтың көші-қоны туралы» заңының авторы. Сонымен қатар, оның «Қарлығаш», «Гүл қауызындағы тамшы», «Күн ұлымын» атты өлеңдері мен «Абзалдық әліппесі», «Жүректегі жазулар» сияқты шығармалары тәрбиелік мәнге ие.
Бұдан бөлек “Адам іздеп жүрмін”, “Алтыным”, “Көңіл қымбат”, “Адам-өмір дәптері”, “Күн ұлымын”, “Біздің бапақ” сияқты шығармалары мектеп бағдарламасына енгізілген, ал «Жүректегі жазулар» мен «Алтыным» кітаптары бірнеше тілге аударылған.
Кездесу барысында ұлттық идеологияны насихаттау мен қазіргі жастардың бойында патриотизмді қалыптастыру мәселелері және жазушының шығармашылығына 50 жыл толуына орай Шымкентте өткен шығармашылық кеш талқыланды. Ғ.Сыздықбеков ақынды мерейтойымен құттықтап, зор денсаулық пен шығармашылық шабыт тіледі.
