Іс-шарада Royal фитнес клубының тренерлері балаларға арнайы дайындық жүргізіп, оларға мерекелік көңіл-күй сыйлады. Балаларға концерттік бағдарлама ұсынылды.
Айта кетейік, марафонды ұйымдастырушы «Арман әлемі» қауымдастығы өкілдерінің айтуынша, дендросаябақта әр сенбі күні дайындық жүргізіледі. Онда қаладағы Royal фитнес клубының тренерлері балаларға тренинг өткізіп, жүгірудің қыр-сырын үйретеді. Дайындық кезеңі 17 тамызға дейін жалғасады.
Мүгедектігі бар балалар арасында өтетін марафонға қалалық Ішкі саясат және жастар істері жөніндегі басқарма мен қалалық ҚХА қолдау көрсетуде.
